Library · lus

Isaiah 48

48:1 Aw Jakba chhung, Israela hming tawma, Juda tuite laka chhuaka, thutakah ni si lo a, felnaah ni si hek lo a, LALPA hming chhala chhechham, Israel-ho Pathian hmin glam thintute u, hei hi ngaithla rawh u. 48:2 (khawpui thianghlima mi an inti si thin a, Israel-ho Pathian chungah rinna an nghat abwk a ni; a hming chu sipaihote LALPA a ni). 48:3 Tun hma thilte chu hmasang atangin ka sawi a; a ni, ka ka atangin a chhuak a, ka hriattir a: vawilehkhatah ka hlen thut a, a lo thleng a. 48:4 Mi luhlul in nih a, in nghawng chu thir tha a nih a, in chal chu dar a nih ka hriat avangin, 48:5 hmasang atangin in hnenah ka sawi a; a lo thlen hma pawhin in hnenah ka hriattir che u kha: chutilo chuan, "Ka milem chuan a tih a ni, ka milem thu a pek a ni," in ti dah ang e. 48:6 In hriat kha; he'ng zawng zawng hi en rawh u; nangmahni'n in sawi dawn tawh lawm ni? Tun achinah thil thar ka hriattir dawn a che u, thil inthup in hriat ngai lohte chu. 48:7 Chung chu hmasang atanga siam ni loin, tuna siam a ni a; vawiin ni hma khan in bengin in hre ngai lo; chutilochuan, "Ngai teh, chung chu kan hre reng alawm," in ti dah ang e. 48:8 A ni, in bengin in hre ngai lo a; a ni, in rilruin in hr engai hek lo: a ni, hmasang atang rengin in beng chu hawnin a awm ngai lo: vervek tak takin in ti thin tih leh, chhul atang rengin bawhchhetu an ti thin che u tih ka hre si a. 48:9 Ka tihboral lohna tur che uin ka hming avangin ka thinur chu ka kher rih ang a, fak ka hlawhna'n in chungah ka insum ang. 48:10 Ngai teh u, ka tithianghlim che u a ni, nimahsela tangka tithianghlim angin a ni lo; hrehawmna rawhtuina meiah chuan ka fiah che u a ni. 48:11 Keimah leh keimah avangin, a ni, keimah leh keimah avang ngawtin a ni, ka tih dan ni; ka hming hi engah nge tihchhiatin a awm ang? Ka ropuina hi mi dang hnenah ka pe lo ang. 48:12 Aw Jakob-ho leh ka koh Israel-hote u, ka thu ngaithla rawh u: kei hi amaha chu ka ni; a hmasa ber chu ka ni a, a hnuhnung ber pawh ka ni bawk. 48:13 A ni, ka kut hian leilung nghahchhan chu a phum a, ka kut ding lam hian vante khi a kai pharh a: ka koh veleh an ding ho thin. 48:14 Nangniho zawng zawngte u, inkhawm u la, ngaithla rawh u; an zingah chuan tuin nge he'ng thil hi sawi ngai? LALPA chuan amah chu a hmangaih a: ani chuan Babulon chungah a duhzawng a ti ang a, a ban chu Kaldai ho chungah lekin a awm ang. 48:15 Kei, keimah ngei hian, thu ka sawi ta; a ni, amah chu ka ko a, ka hruai a, a kawng chu a titluang zel ang. 48:16 Nangniho hian mi ranw hnaih u la, hei hi ngaithla rawh u; atir atang khan arukin thu ka sawi ngai lo a; a awm tirh atang khan chutah chuan ka awm: tunah hian LALPA Pathian chuan keimah leh a thlarau chu min tir ta a. 48:17 LALPA, nangmahni tlantu, Israelho Mi Thianghlim chuan heti hian a ti: "Kei hi LALPA in Pathian, in thatna tura nangmahni zirtirtu, in kalna tur kawnga hruaitu che u chu ka ni. 48:18 Aw nangni hian ka thupekte chu lo ngaithla ta u la chu aw! I chunga remna chu lui ang maia awmin, in felna chu tuifinriat fawnte ang maiin a awm tur. 48:19 i thlahte pawh tiau vaivut mal te te zatin an awm tur. An hming chu ka hma ata thai boin a awm lo ang a, tihboralin a awm hek lo ang," tiin. 48:20 Babulon ata chhuak u la, Kaldai-ho chu tlan bosan rawh u, hei hi hla sa thawmin hriattir u la, hrilh u la, kawlkil thleng pawhin tiri u la, "LALPA chuan a chhiahhlawh Jakob-ho a tlan ta," ti rawh u. 48:21 Thlalerahte chua a hruai lai khan an tuihal lo a; lungpui atang chuan an tan tuite a luan chhuahtir a: lungpui chu a tihpel a, tichuan tuite chu a lo chhuak ta dur dur a.LALPA chuan, "Mi suaksualte tna chuan muanna reng reng a awm lo," a ti a. 48:22 LALPA chuan, "Mi suaksualte tna chuan muanna reng reng a awm lo," a ti a.