Library · lus

Isaiah 53

53:1 Kan thu sawi tuin nge ring? LALPA kut chu tu hnenah nge a lan? 53:2 A hmaah chuan huan thil tiak no tak angin ani chu a chawr chhuak si a, lei ro atanga zung angin a puak chhuak bawk a ni: piahmang thatna leh hmel mawina reng reng a nei lo a; amah ka hmuhin amah kan duhna turin mawina reng reng a awm lo. 53:3 Ani chu mihringte hmusit leh duh lohin a awm a; lungngaihante nei mi leh natna hre mi a ni a: miten an hmai an huhsan ang chuan ani chu hmusitin a awm a, keini lah chuan ani chu kan ngaisang si lo. 53:4 Ani chuan kan natnate phurin, kan lungngaihnat epah a phur ngei a: nimahsela keini chuan lungngaihna tlakbuakah, Pathian vuakah, tihretheihah kan ngai si a. 53:5 Nimahsela ani chu kan bawhchhiatnate avangin hliamin a awm a, kan khawlohnate avangin vuak thitlinin a awm a:kan thlamuanna tur thununna chu a chungah a tla a; a vuakna vualtea tihdamin kan awm ta. 53:6 kan za hian beram angin kan vak bo a; mahni kawng kawngah kan peng theuh a; Lalpa chuan ani chuungah chuan kan za khawlohna chu a nghat ta a. 53:7 Ani chu hnechhiahin a awm a, nimahsela a inngaitlawm a, a ka pawh a ang lo: beram no talh tura an hruaia ang leh, beram a hmul mettu hmaa a ngawi renga awm ang maiin; a ni, a ka a ang lo. 53:8 Hnehchhiahna leh rorelnaa lak boin a awm a; a dam rualpi lek phei chu tuin nge mi nung ram ata tihborala a awm chu ngaihtuah tehlul ni? Ka mite bawhchhiatna avangin lungngaihna tlak buakin a awm a ni. 53:9 Tin, thil rawng taka ti ngai loin, a kaah tihderna reng reng awm ngai lo mah sela, a thlan chu mi sualte hnen lamah an ruatsak a, a thih hnu chuan mi hausa hnen lamah a awm a. 53:10 Nimahsela LALPA'n ani chu vuak thitlin a duh reng a ni; a tina ta ngei a: a nunna chu sual tan thil hlana i hman tikah, a chi thlah chu a hmu tawh ang a, a damchhung nite chu a tisei ang a, LALPA duhzawng chu a kutah hlawhtling a awm ang. 53:11 A nunna thawhrim rah chu a hmu ang a, a lungpui tawh ang: ka chhiahhlawh fel tak chuan a hriatnain mi tam tak chu thiam a chantir ang a, an khawlohnate chu a phurhsak ang.chuvangin ani chu mi liante chanvo ang ka sem ve ang a, ani chuan rallak sumte chu mi chakte a sem ve ang; a nunna chu thi khawp hiala a leih buak a, bawhchhetute zinga chhiar tela a wm avangin: nimahsela mi tam tak sualna chu a phur a, bawhchhetute tan chuan a tawngtaisak a. 53:12 chuvangin ani chu mi liante chanvo ang ka sem ve ang a, ani chuan rallak sumte chu mi chakte a sem ve ang; a nunna chu thi khawp hiala a leih buak a, bawhchhetute zinga chhiar tela a wm avangin: nimahsela mi tam tak sualna chu a phur a, bawhchhetute tan chuan a tawngtaisak a.