Library · lus

Jeremiah 25

25:1 Judate lal, Jehoiakima, Josia fapa kum linaa Juda mite zawng zawng chungchanga Jeremia hnena thu lo thleng chu: chumi hun chu Babulon lal Nebukadnezzara kum khatna a ni a, 25:2 chu thu chu zawlnei Jeremian Juda mi zawng zawng leh Jerusalema awm zawng zawngte hnena a sawi chu a ni. 25:3 kum sawmhnih leh kum thum chhung ngawt, Judate lal Josia, Amona fapa kum sawm leh kum thumna atanga tun thlengin LALPA thu chu a lo thleng thin a, zing tak taka thoin in hnenah ka sawi ka sawi a, mahse in ngaithla lo a. 25:4 Tin, LALPA'n in hnenah a rawngbawltu zawlneite zawng zawng a ti ra, zing tak taka thoin a tir a, mahse in ngaithla lo a, hre turin in beng in dawh hek lo; 25:5 chung zawlneite chuan, mi tin, mahni sual kawng ata lo kir u la, LALPA'n a hnenah leh in pate hnena hman lai atanga kumkhua atana a pek che a ramah hian cheng rawh u: 25:6 Pathian dangte hnena an rawng bawl tur leh chibai buk tur leh in kut hnathawha ka thin tiur turin kal suh u; tichuan ka tina lo ang che u, an ti thin a. 25:7 Mahse in tana tha lo tura in kut hnathawktu mi tithinur turin mi ngaithla lo, LALPA'n a ti. 25:8 Chuvangin Sipaihote LALPA chuan heti hian a ti: Ka thu in ngaithlak loh avangin, 25:9 ngai teh u, hmar lam hnam zawng zawng chu ka chah ang, LALPA thu chhuak chuan a ti. Ka rawngbawltu Babulon lal Nebukadnezzara pawh ka chah ang a, anni chu he ram leh a chhunga awmte leh he'ng vela hnam awm zawng anwgte bei turin ka rawn hruai ang a; ka tiboral der ang a, mi tihah leh chek khumah leh tiau reng atan ka siam ang. 25:10 Tin, an hnen ata hlimna thawm leh lawmna thawm te, moneitu aw leh mo aw te, buh rawt thawm ri leh khawnvar engte ka la bo ang. 25:11 He ram pum pui hi a chhia ang a, a ram ang; tin, he'ng hnamte hian Babulon lal rawng kum sawmsarih an bawl ang. 25:12 Ti kum sawmsarih a ral hunah Babulon lal leh chu hnam chu, Kaldaiho ram chu, an sualna avangin ka hrem ang a; kumkhuain ka titua ang. LALPA thu chhuak chuan a ti. 25:13 Chu ram chungah chuan ka thu an chunga ka sawi zawng zawng, Jeremia hnam zawng zawng chunga a sawi, he lehkhabua ziak zawng zawng hi ka thlentir ang. 25:14 Hnam hrang hrangte leh lal ropui tak takte chuan an zinga an mi duh an thing dawn si a; an thiltih ang zel leh an kut hnathawh ang zelin ka thungrul dawn a ni. 25:15 LALPA Israelte Pathai chuan ka hnenah heti hian a ti: Ka kuta he thinurna uain no hi la la, ka tirhna tur che hnam zawng chu intir rawh. 25:16 An in ang a, an pai thlawk thlawk ang a, an a ang a, an hnena ka tirh tur khandaih avang chuan, tiin. 25:17 Tin, LALPA kuta no chu ka la a, LALPA'n mi tirhna hnam zawng chu ka intir a: 25:18 chung chu hengte hi an ni: Jerusalem leh Judai khawpui te, chuta lalte leh hotute chu, tiauna te, mak tihah te, chek khumah te, anchhiaahte chang turin, tuna an awm dan ang hian: 25:19 Aigupta lal Pharaoa leh a chhiahhlawh te, a hotute leh ami zawng zawng te; 25:20 hnam dang pawlhtu zawng zawng te; Uz rama lal zawng te; Philistia rama lal zawng zawng, Askelon leh Gaza leh Ekron leh Asdoda la awm chhun lalte chu; 25:21 Edom leh Moab leh Amon thlah te; 25:22 Tura lal zawng zawngte leh Zidon lal zawng zawng leh tuipui kam lalte; 25:23 Dedan leh Tema leh Buz leh an bak sam met zawng zawngte; 25:24 Arabia lal zawng zawng te; thlalera cheng hna inchawhpawlhho lal zawng zawngte; 25:25 Zimri lal zawng zawng te; Elam lal zawng zawng te; Media lal zawng zawng te; 25:26 hmar lam lal zawng zawng te, a hla leh a hnai ami a indawt zelin; lei chunga awm khawvel lal ram zawng zawngte chu; tin, an in hnuah chuan Sesak lalin a in ang. 25:27 Tin, an hnenah Sipaihote LALPA, Israelte Pathian chuan heti hian a ti: In u la, rui u la, lua u la, tlu u la, tho leh suh u, khandaih in zinga ka tirh tur avang chuan, ti ang che. 25:28 Tin, i kuta no chu in tura an lak duh loh chuan an hnenah heti hian ti ang che: Sipaihote LALPA chuan heti hian a ti: In in ngei ang; 25:29 hei, ka hming vuah khawpuiah thil tha lo ka ti tan a, nangni hrem loh tawpin in awm ang maw? Hrem lohin in awm lo ang: leilunga cheng zang zangte chungah khandaih ka lek dan si a, tih hi Sipaihote LALPA thu chhuak a ni. 25:30 Chuvangin an chungah he'ng hi sawi la, an hnenah heti hian ti rawh: LALPA chu hmun sang atangin a rum ang, A chenna thianghlim atangin a rawl a chhuah ang, A huang chungah nasa takin a rum ang, Grep sawrtute angin a au vang, Leilung luah zawng zawngte chungah chuan. 25:31 Leilung tawp thlengin thawm a thang khawk ang a, LALPA chuan hnamte a khing a, tisa zawng zawng chungah ro a rel dawn, Mi suaksual chu khandaih hnenah a pe ang, LALPA thu chhuak chuan a ti. 25:32 Sipaihote LALPA chuan heti hian a ti: Ngai teh, thil tha lo chuan hnam tin, a rawn hrut dawn e, Thlipui na tak mai lei hmun tawp atangin a lo thawk dawn. 25:33 Chumi nia LALPA thahte chuan lei tawp atangin lei tawp thlengin an dap ang a; sun loh leh khawm loh leh phum loin an awm ang a;lei chunga ekdur mai an ni ang. 25:34 Berampute u, chiau vak vak u la, tap rawh u, Nangni beram rual zinga puipate u, tal tawp tawp rawh u, Thaha in awm ni leh in darhsarh nite a lo thleng takzet a nih hi. Bel duhawm angin in tlu ang. 25:35 Berampute chuan tlan bona kawng an nei lo ang a, beram rual zinga puipate pawhin pumpelhna kawng an nei lo ang. 25:36 Berampute tap thawm chu, beram rual zinga puipate chiau ri nen, LALPA'n an tlat hmun a tihram mek avangin. 25:37 Huang muan awmte chu tihreh thiapin an awm ta e, LALPA thinrimna nasa tak avangin.A tawmna a chhuahsan ta, sakeibaknei ang maiin. An ram chu a chhe zo ta si a, Hnehchiahna rawng tak avang Leh a thinrimna nasa tak avangin. 25:38 A tawmna a chhuahsan ta, sakeibaknei ang maiin. An ram chu a chhe zo ta si a, Hnehchiahna rawng tak avang Leh a thinrimna nasa tak avangin.