Library · lus

Jeremiah 43

43:1 Tin, heti hi a ni a, Jeremian mipuite zawng zawng hnena LALPA an Pathian thu zawng zawng, LALPA Pathianin sawi tura an hnena a tirhna thu, he'ng thu zawng zawngte ngei hi a sawi tawpah chuan, 43:2 Hosaia fapa Azaria leh Karea fapa Johanana leh mi intivei zawng zawng chuan Jeremia chu an bia a, a hnenah, "Dawt i sawi a ni: LALPA kan Pathianin, 'Aigupta rama cheng turin in kal tur a ni lo,' tia sawi turin a tir hlei nem che: 43:3 Kaldaite kutah mantira kan awm a min thah theihna tur leh Babulon sala min hruai theihna turin Neria fapa Baruka chuan min bei turin a tir che a nih zawk hi," a ti a. 43:4 Chutichuan Karea fapa Johanana leh sipai pawl hotu zawng leh mipui zawng zawng chuan Judai rama cheng turin LALPA tawngka chu an awih ta lo a. 43:5 Tichuan Karea fapa Johanana leh sipai pawl hotu zawng zawng chuan Juda awm chhun zawng zawng, Judai rama cheng tura hnawhc darha an awmna hnamte zinga ata lo kir, 43:6 hmeichhia te, mipa te, naupang te, lal fanute leh mi tin, vengtu hotu Nebuzaradanan Saphana fapa, Ahikama fapa Gedalia leh a hnena an hnutchhiahte chu zawlnei Jeremia leh Neria fapa Baruka te pawh, an hruai ta vek zawk a. 43:7 Tichuan Aigupta ram chu an thleng ta a, LALPA tawngka chu an awih si lo a; tin, Tahpanes khua ngei chu an thleng a. 43:8 Tin, Tahpanes-ah chuan Jeremia hnenah LALPA thu a lo thleng a, 43:9 "Lung lian pui pui la la, Tahpanesa Pharaoa in luhna bula leirawhchan siamnaa hlum chawh diaknaah chuan Judate mithmuh ngeiin phum rawh. 43:10 Tin, an hnenah chuan, 'Sipahote LALPA, Israel Pathian chuan heti hian a ti: Ngai rawh u, ka rawngbawltu Babulon lal Nebukadnezzara chu ka chah chhuak ang a, ani chuan a lalthutthleng a hung ang; ani chuan an chungah chuan a lal puan in a zar ang. 43:11 Tin, a lo kal ang a, Aigupta ram chu a rawn ngahsai ang, thihna pual chu khandaihah. 43:12 Aigupta mite pathian inahte chuan mei a chhuah ang a, a kang ang a, salah a hruai ang; berampu, puan a inbel angin Aigupta ram chuy a inbel ang; chuta tangin ralmuangin a chhuak ang a,Aigupta rama Beth-Semes lung ban sang pui puite chu a tichim ang a, Aigupta pathian inte chu meiin a hal ang, a ti,' ti rawh," a ti a. 43:13 Aigupta rama Beth-Semes lung ban sang pui puite chu a tichim ang a, Aigupta pathian inte chu meiin a hal ang, a ti,' ti rawh," a ti a.