Jeremiah 9
9:1 Ka lu hi tui ni se, ka mit hi mittui hnar ni teh se aw! Ka mi, ka fanu thlahte tan chhun zanin ka tap tur;
9:2 Thlalerah khualbuk nei thei i la aw! Ka mita kalsanin, awm bosan teh i la; Uire hmang mi an ni vek si a, Bumhmang awm khawm mai an ni.
9:3 An lei chu thal ngul angin dawtah an hmang a, Ramah an thang lian, thutakah thang loin, Sual lamah an thang zel a,kei mi hre lo in,Tih hi LALPA thu chhuak a ni.
9:4 Mahni thenawm lakah fimkhur theuh u la, In unaute reng ring suh u; Unaute chu bumhmang an ni si; =henawmte pawh rel hmang an ni.
9:5 Mahni thenawm theuh an bum ang, Thudik lah an sawi lo ang; An lei dawtsawi an zirtir a, Khawlohna thawkin an hah thin.
9:6 Bumhmang zingah i cheng a, An bumna avangin kei mi hre duh lo, Tih hi LALPA thu chhuak a ni.
9:7 Chuvangin sipaihote LALPA'n heti hian a ti: Ngai teh u, anni chu ka titui ang a, ka fiah ang: Ka mi, ka fanu avang chuan eng dang nge ka tih tak ang le?
9:8 An lei chu thihna thal a ni a, bum thu a sawi thin, Miin kain a thenawm hnenah rem thu sawi mah se, A thinlungah amah chu a chang khiau thin.
9:9 Heng thil tihte avang hian ka hrem lo ang em ni? Tih hi LALPA thu chhuak a ni: Hanm hetiang lakah hian phuba ka la lo ang maw?
9:10 Tlangte tan ka tap ang a, ka chiau vawng vawng ang, Thlaler hlobet hmunte ka sun ang a, Tuma kal tawhlohna tura a kan zawh tak avangin, Ran thawm miten an hre tawh lo ang a, Chungleng savate leh ramsate pawh an tlanchhia a, an kal bo tawh.
9:11 Tin, Jerusalem chu thil chhe awm khawm maiah ka siam dawn, Sihalte chenna hmun a ni ang; Juda khawpuite chu chengtu awm loin ka titiau ang.
9:12 Hei hi hre thiam turin mi fing chu tu nge ni? Puang tura LALPA thu sawi lo dawngtu chu tu nge ni? Eng vangin nge ram chu a chhiat zawh a, tuma kal lohna tura thlaler anga a kan tak ni?
9:13 Tin, LALPA chuan, Ka dan, an h maa ka dah, an kalsan a, ka tawngka chhuak an awih lo a, an zawm hek lo a,
9:14 an thinlung khauh zawm a, an thlahtuten an zirtir Baalate chu an um tak zawk avangin;
9:15 Sipaihote LALPA, Israel Pathian chuan heti hian a ti: Ngai teh u, anni, he'ng mite ngei hi saiin ka hrai ang a, tui kha ka intir bawk ang.
9:16 Hnam, anmahni leh an thlahtute pawhin an hriat ngai lohte zingah ka tidarh ang: ka tihboral vek hma chu khandaih ka umtir ang.
9:17 Sipaihote LALPA chuan heti hian a ti: Ngaihtuah u la, hmeichhia tap mite lo kal turin ko rawh u, Hmeichhe themthiamte chu lo kal turin ko bawk rawh u.
9:18 Lo hmanhmawh se la, min rawn tah khum teh se. Ka mittui a luan a, kan mitahte tui a puh theihna'n.
9:19 Zion ata tap thawm hriat a ni si a, Kan chhiat nasatzia tak chu: Kan hrilhhai em em a, Kan ram kan kalsan avang leh, Kan chennate an paihthlak avangin.
9:20 Aw nangni hmeichhiate u, LALPA thu chu ngaithla u la, A kam chhuak thu in bengah lut se la, In fanute tah zirtir u la, Mi tinin a thenawmnu hnenah sunna hla.
9:21 Kan tukverhahte thihna lawn lutin Kan lal inahte a lut tawh si a; Pawn atangin naupang tibo tur leh, Khawlai ata tlangval tibo turin.
9:22 LALPA thu chhuak chuan heti hian a ti:"Mi ruangte chu tamlakah ekdur angin an tlu ang a, Buh sengtu buh hmaih ang maiin; Tuma'n an khawm tawh lo ang," ti rawh.
9:23 LALPA chuan heti hian a ti: Mi fing chuan a finna chhuang suh se la, mi chak chuan a chakna chhuang hek suh se la, mi hausa chuan a sum leh pai chhuang hek suh se.
9:24 A chhuang apiang erawh chuan hei hi chhuang rawh se, kei LALPA hi, ngilneihna te, reldikna te, f elna leia hmang thintu chu ka ni tih mi hriat a, a hriat thiamna chu; he'ng thilte hi ka lawmzawng a ni si, tih hi LALPA thu chhuak a ni.
9:25 Ngai teh u, nite chu a lo thleng e, tih hi LALPA thu chhuak a ni, serhtan ni si, tan loh ang maite chu ka hrem ang;Aigupta te, Juda te, Edom te, Amon fate leh Moab-te leh thlalera cheng, baksam ziat kawnghote; hnam zawng zawng chu serhtanhote an ni si a, Israel chhungte zawng awng pawh thinlunga serhtan loh an ni.
9:26 Aigupta te, Juda te, Edom te, Amon fate leh Moab-te leh thlalera cheng, baksam ziat kawnghote; hnam zawng zawng chu serhtanhote an ni si a, Israel chhungte zawng awng pawh thinlunga serhtan loh an ni.