Library · lus

Ezekiel 48

48:1 Heng hi an hnam hmingte chu an ni: Hmarlam ramri tuipui lian atanga Hethlon kal tlangin Hmath luhna ruamah Damaska ramria Hamath kiang hmar lampang Haza-enon thlengin, chhak leh thlang zawngin chan khat chu Danho chan a ni a. 48:2 Danho chan nen a inriin chhak leh thlang zawngin chan khat chu Aserho chan a ni a. 48:3 Aserho chan nen a inriin chhak leh thlang zawngin chan khat chu Naphtaliho chan a ni a. 48:4 Naphtaliho chan nen a inriin chhak leh thlang zawngin chan khat chu Manaseho chan a ni a. 48:5 Manaseho chan nen a inriin chhak leh thlang zawngin chan khat chu Ephraim ho chan a ni a. 48:6 Ephraim ho chan nen a inriin chhak leh thlang zawngin chan khat chu Reubenho chan a ni a. 48:7 Reubenho chan nena inriin chhak leh thlang zawngin chan khat chu Judaho chan a ni a. 48:8 Judaho chan nen a inriin chhak leh thlang zawngin, ram zuat in hlan tur chu a vang tawng singhnih leh sangnga a ni ang a, a dung chu chhak leh thlang zawngin chan dang ang bawk a ni a, a laia hmun serh awmin. 48:9 Ramzuat LALPA hnena inhlan tur chu a dung tawng singhnih leh sangnga, a vang tawng singhnih a ni tur a ni. 48:10 Tin, hemiah hian puithiamte tan ram serh zuat tur a ni ang a, hmarlam zawngin a dung tawng singhnih leh sangnga leh thlang lam zawngin a vang tawng singkhat, chhim lam zawngin a dung tawng singhnih leh sangnga a ni tur a ni, a laia LALPA hmun serh awmin. 48:11 Puithiam serh tawh, Zadoka fa ka thu vawngtute tan a ni ang. Chungte chu Israel fate an vahbo laia Levia chite an vakbo veta mai anga vakbo ve lo te kha an ni a. 48:12 Tin, ramzuat pumpui ata an tana zuat bik, hmunserh ber a ni ang a, Levia chi chan nen a inriin. 48:13 Puithiam chan zul zelah chuan Levia chi ten chan an nei ang a, a dung tawng singhnih leh sangnga, a vang tawng singkhat a ni ang. 48:14 Tin, an hralh tur a ni lo a, an thleng tur a ni hek lo: a ram tha tha pawh midang hnenah pek tur a ni lo: LALPA tana serh a ni si a. 48:15 Tin, a vang tawng singhnih leh sangnga baka tawng sangnga chu vantlang chan, khawpui dinna tur, chenna in tur te leh daifemte atan a ni ang: khawpui chu a lai takah a awm ang. 48:16 Tin, a teh vel dan chu hetiangin a ni ang: a hmar lampang tawng sangli leh zanga, a chhim lampang tawng sangli leh zanga; a chhak lampang tawng sangli leh zanga, a thlang lam pang tawng sangli leh zanga. 48:17 Tin, a khawpui chuan daifem a nei ang a, hmar lampang chuan tawng zahnih leh sawmnga, chhim lampang tawng zahnih leh sawmnga, chhak lampang tawng zahnih leh sawm nga, thlang lampang tawg zahnih leh sawmnga. 48:18 Tin, a dunglam la chuang ramzuat serh tawh hrula mi chu chhak lamah tawng singkhat a ni ang: ramzuat serh tawh hrul zel a ni tur a ni: tin, chuta thil chhuakte chu khawpuia hnathawktute ei tur a ni ang. 48:19 Tin, khawpuia hnathawktu Israel nam zawng zawnga mite chuan a lei an let ang. 48:20 Ram zuat pumpui chu a dung tawng singhnih leh sangnga, a vang tawng singhnih leh sangnga a ni ang, ram zuat serh tawh, killi bial, khawpui nen in hlan tur a ni. 48:21 Tin, a bak ram zuat serh tawh leh khawpui chan sir tuak ve ve chu lal chan a ni ang a, chhak lam zawngin ram zuat tawng singhnih leh sangnga bak leh thlang lam zawngin tawng singhnih leh sangnga bak, ram bung dangte hrul chu lal chan a ni ang: tichuan ram zuat serh tawh leh inpui hmun serh chu a lai takah a awm ang. 48:22 Tin, Levia chi chan leh khawpui chan chu lal chante inkarah a awm ang a, lal chan chu Juda chan leh Benjamin chan nen a inri ang. 48:23 Tin, hnam la awmte chungchang thu-ah chuan, chhak leh thlang zawngin chan khat Benjamin ho chan a ni a. 48:24 Tin, Benjaminho chan nen a inriin chhak leh thlang zawngin chan khat Simeonho chan a ni. 48:25 Simeon-ho nen a inriin chhak leh thlang zawngin Iskar-ho chan a ni a. 48:26 Iskarho chan nen a inriin chhak leh thlang zawngin chan chan khat Zebulunho chan a ni a. 48:27 Zebulunho chan nen a inriin chhak leh thlang zawngin chan khat Gadho chan a ni a. 48:28 Gad-ho chan chhim lampang ramri chu Tamar atangin Meribath-kades tuite thlengin Aigupta lui zawhin tuipui lian a thleng ang. 48:29 Hei hi Israel hnamte rochan tura ram insem dan tur leh an ram bung hrang hrangte chu an ni tih LALPA pathian thu chhuak a ni. 48:30 Tin, hengte hi khawpui ata chhuahna te chu an ni; hmar lampang tawng sangli leh zangaah chuan kawngka pathum 48:31 khawpui kawngka te chu Israel hnam hming ang zela vuah tur a ni a; hmarlam kawngka pathumte chu, Reuben kawngka pakhat, Juda kawngka pakhat, Levia kawngka pakhat an ni ang a: 48:32 tin, chhak lampang tawng sangli leh zangaah chuan kawngka pathum: Josefa kawngka pakhat, Benjamin kawngka pakhat, dan kawngka pakhat an ni anga: 48:33 Tin, chhim lampang tawng sangli leh zangaah chuan kawngka pathum: simon kawngka pakhat, Iskar kawngka pakhat, Zebulon kawngka pakhat an ni ang a: 48:34 thlang lam pang tawng sangli leh zangaah chuan kawngka pathum: Gad kawngka pakhat, Aser kawngka pakhat, Naphtali kawngka pakhat, an ni ang.A velin tawng singkhat leh sangriat a ni ang a, chumi ni atang chuan khawpui hming chu LALPA awmna hmun tih a ni tur a ni. 48:35 A velin tawng singkhat leh sangriat a ni ang a, chumi ni atang chuan khawpui hming chu LALPA awmna hmun tih a ni tur a ni.