Library · lus

Daniel 1

1:1 Juda lal Jehoiakima rorel kum thumnaah chuan Babulon lal Nebukadnekzara Jerusalemah a lo kal a, a huala a. 1:2 Tin, Lalpa chuan Juda lal Jehoiakima chu a kutah a pe a, Pathianin bungbel thenkhatte nen; tin, ani chuan Sinar rama a pathian inah a kal pui ta a; tin, bungbelte chu a pathian sum inah a rawn thlen a. 1:3 ,4 Tin, lal chuan Israel fate zinga mi, lal thlahte leh mi tha fate, tleirawl demna awm lo, hmeltha tak, finna tinrenga remhria, hriatna lam a bengvar, thilbul chhut thiam, lal ina chetla thiam rawn hruailut tur leh Kaldai tawng leh thil thiam zirtir turin, a mitilreh hotu Aspenaza chu a hrilh a. 1:4 ,3 Tin, lal chuan Israel fate zinga mi, lal thlahte leh mi tha fate, tleirawl demna awm lo, hmeltha tak, finna tinrenga remhria, hriatna lam a bengvar, thilbul chhut thiam, lal ina chetla thiam rawn hruailut tur leh Kaldai tawng leh thil thiam zirtir turin, a mitilreh hotu Aspenaza chu a hrilh a. 1:5 Tin, lal chuan lal chaw tuihmel ata leh a uaiin in thin ata chu a nitin chan tur a ruatsak a, chutianga kum thum chawm a, chumi tawpa lal hmaa an din theihna'n. 1:6 Tin, he'ng zingah hian Juda fatea mi, Daniela te, Hanania te, Misaela te, Azaria te an tel a. 1:7 Tin, tilreh te hotu chuan an hming a sa hlawm a: Daniela chu Beltesazzara a vuah a, Hanania chu Sadraka, Misaela chu Mesaka, Azaria chu Abednagoa. 1:8 Mahse Daniela chuan a rilruin lal chaw leh a uain in thin te chuan intihbawlhhlawh loh a tum tlat a; chutichuan a intihbawlhhlawh lohna'n tilrehte hotu chu a dil a. 1:9 Tichuan, Pathian in Daniela chu tilrehte hotu laka duhsakna keh khawngaihna chu a dawntir a. 1:10 Tin, tilreh hotute chuan Daniela hnenah, In eitur leh in tur ruattu ka lalpa, lalber chu ka hlau a ni; in hmel hi tleirawl, in rualpuite aia chhe zawkin an rawn hmu ang a sin! Chuti a nih chuan lalber lakah ka lu hi hlauhpui awmin in siam dawn a ni a lawm,''a ti a. 1:11 Tin, tilreh te hotu in Daniela te, Hanania te, Misaela te,Azaria te enkawl tua a siam hnenah chuan Danielan, 1:12 Ka ngen a che, i chhiahhlawhte hi ni sawm min fiah rawh, eitur thlai leh in tur tuisik min pe mai rawhse. 1:13 Tin i hmaa kan lan dante leh lal chaw tuihmel ei tleirawlte landan chu tehkhin nisela, tin, i hmuh dan angin i chhiahhlawhte chungah hian ti ang che,'' a it a. 1:14 Tichuan, he thu hi a remtihsak a, anni chu ni sawm a fiah ta a. 1:15 Tin, ni sawm tawpah chuan lal chaw tuihmel eitu tleirawlte zawng zawng ai chuan an hmel a lang mawi zawkin an lo thau zawk mah a. 1:16 Tichuan, enkawltu chuan an eitur leh an uain intur chu a la bo a, thlai a pe ta zawk a. 1:17 Tichuan, he'ng tleirawl palite hi chu thiamna leh finna zawng zawngah hriatna leh bengvarna Pathianin a pe a, Daniela chuan inlarna leh mumang zawng zawng a hrethiam ta a. 1:18 Tin, lalin anmahni rawnhruai luhna tura a ni ruat tawpah chuan tilrehte hotu chuan an ni ho chu Neukadnezzara hmaah chuan a rawn hruailut a. 1:19 Tin, lal chuan a lo be hlawm a, anniho zingah chuan Daniela te, Hanania te, Misaela te, Azaria te ang reng reng an awm lo a, chuvangin lal hmaah chuan an ding ta a. 1:20 Tin, finna leh hriatthiamna thu tinreng lalin a han zawh chuan a ram pumpuia dawivaih thiam leh aikaihthiam zawng zawng te ai chuan alet sawmin an tha zawk tih a hre ta a.Tin, Daniela chuan lal Kura kumkhatna thlengin a thawk ta zel a. 1:21 Tin, Daniela chuan lal Kura kumkhatna thlengin a thawk ta zel a.