Library · lus

Joel 3

3:1 Ngai teh u, chung niahte leh chumi hunah chuan Juda leh Jerusalem tun din leh hunah chuan, 3:2 hnam zawng zawng ka khawm ang a, Jehosaphat ruamah ka hruai ang. Ka mi, ka rochan Israel chunga an thiltih avangin an chung thu ka rel ang; ram dangah ka mite an tidarh a. 3:3 Thum vawrin ka mite an insem a; naupangte chu ahmei apain nawhchizuar leh uain leina'n an hralh a. 3:4 Nangni tura leh Sidon, nangni Philistia ram te u, ka chungah phuba lak in tum em ni? Ka chunga phuba lak in tum a nih zawngin rang takin in chungah phuba ka la let ve ang. 3:5 Ka tangkarua leh ka rangkachak in la a, ka thil tha tak duhawmte in biak in chhungahte in keng lut ta vei a; 3:6 Juda fate leh Jerusalem fate pawh an ramri atanga hla takah in sawn bo theih nan, Grik fapate hnenah in hralh ta mai si a. 3:7 Ngai teh u, in hralhna hmun atang khan chawk thoin ka chhuahtir ang a, in thungrulhna chu in lu chung ngeiah ka thungrul ve ang; 3:8 in fapate, in fanute chu Juda fate kutah ka hralh ang, anni chuan hla takah Seba mite hnenah anmahni an hralh ang a: LALPA chuan a ti ta a ni. 3:9 Hei hi hnam zingah puang u la; indona buatsaih u la: mi chakte chawk tho u la; indo mi zawng zawngte lo hnai se la, lo chho rawh se. 3:10 In leilehna hmawr zumte khandaihah chher u la, in thei kungah chhumna chemtete chu feiah chher rawh u: mi chak lo pawhin, Ka chak a ni, ti rawh se. 3:11 A vela hnam zawng zawngte u, hmanhmawh u la, lo kal u la, pung khawm rawh u: aw, LALPA, chutah chuan i mi chak takte kal chhuktir rawh. 3:12 Hnamte chu inchawk tho se la, Jehosaphata kawr ruamah chuan lo kal chho rawh se: chutah chuan a vela hnam zawng zawng chunga rorel turin ka thu dawn a ni. 3:13 An sual em mai a, buh seng angin at u la, a khah hma chu a khura grep rah sawr angin rap sawr rawh u 3:14 Mi sang tam takte chu Jehosaphat ruamah an awm khawm ta; chutah chuan a ni LALPA ni a lo thlen dawn. 3:15 Ni leh thla te an thim a, arsiten an eng an thup a. 3:16 Tin,LALPA chu Zion tlang atangin a rum hum hum ang a, Jerusalem khua atangin a aw a chhuah ang a; van te leh lei an nghing ang a: nimahsela LALPA chu a mite tan inhumhimna a ni ang a, Israel thlahte tan kulhbing a ni ang. 3:17 Chutichuan LALPA in Pathian ka tlang thianghlim Zion-a cheng ka ni tih in hria ang: tichuan Jerusalem khua chu a thianghlim ang a, mikhual tumah an kal tlang leh tawh hauh lo ang. 3:18 Chumi niah chuan heti hi a lo ni ang a, tlang sangte chuan uain thlum a fartir ang a, tlangte chu hnute tuiin a luang ang a, Judai ram lui te zawng zawng te chu tuitein a luang ang a; LALPA in atangin tuikhur a lo chik chhuak ang a, Sittim kawr ruam a tihnawng ang. 3:19 Juda fate chunga rawng taka tia an ramah mi thiam thisen an chhuah avangin, Aigupta ram chu a ram ang a, Edom ram chu thlaler ram ro a ni ang. 3:20 Judai ram erawh chu kumkhuain a awm reng ang a, Jerusalem khua chu chhuan atanga chhuan zel thlengin.Tin, an thisen ka tleng fai ang a: LALPA chu Zion-ah a cheng reng si a. 3:21 Tin, an thisen ka tleng fai ang a: LALPA chu Zion-ah a cheng reng si a.