Library · lus

Zechariah 10

10:1 Ruah hnuhnung hunah hian LALPA chu ruah dil rawh u, LALPA, kawl tiphetu ngei chu; Tin, a nin loa hlebet tinrengte tan ruahpui vanawn a surtir ang 10:2 Milem pathian chuan engmah lo mai a sawi a. Aisanthiamte thil hmuh chu dawt a ni si a; Mumang diklote an sawi a,Mi an thlamuan thlawn a; Chuvangin beram rual angin mahni kawng kawng an hawi a. berampu a awm loh avangin hreawm an tuar a, 10:3 Berampu chungah chuan ka thin a rim em em a, kel pate chu ka hrem ang: Sipaihote LALPA chuan a ranrual, Juda chhungte chu a rawn kan a, Indona sakawr tha tak angin a siam dawn si a. 10:4 A lak ata kil lung te, kilhna thir te, indona thal ngulte, Rorel tute an lo chhuakho dawn a ni. 10:5 Tin, michak tak ang an lo ni ang a, Indona kawtthler chirhdiakah chuan an hmelmate an rapbet ang, LALPA chu an hnena a awm avangin an bei nasa mai ang: Sakawr chungchuangte chu an mualpho dawn a ni. 10:6 Tin, Juda chhungte chu ka ti chak ang a. Josefa chhungte chu ka chhanhim ang a, Ka hruai leh ang, anni chu ka lainat si a; Tin, ka paihthlak loh ang mai an la ni ang a, Kei LALPA an pathian chu ka ni si a, An mahni ka ngaithla tawh ang. 10:7 Tin, Ephraim mite chu mi chak tak ang an ni ang a, Uain tihlawm angin an thinlung a lawm ang: A ni, an fate chuan an hmu ang a, an hlim ang a, LALPA ah chuan an thinlung a lawm ang. 10:8 Ka faifuk ang a, an mahni ka ko khawm ang; Anni chu ka tlan tawh si a: An lo pun tawh ang ngeiin an pung zel ang. 10:9 Ram dang dangah ka phun darh a, Ram hla takah pawh min hre reng ang; Tin, an fate nen an awm ang a, an lo kir leh ang. 10:10 Aigupta ram ata pawh ka hruai leh ang a, Assuria ram atangin ka khawm chhuak ang; Tin, Gilead ram leh Lebanon-ah chuan ka rawn hruai lut ang a, Tin, an tan hmun a awm seng lo hial ang. 10:11 Tin, tihduhdahna tuipui chu a kal tlang ang a, Tuifawnte chu a vua ang a, Nile luipui thukte chu a kang ang. Assuria chapona chu tihtlawm a ni ang a, Aigupta ram lal tiang chu a bo daih ang.Tin, LALPA ah chuan anmahni ka tichak ang a, ama hmingin an chhukin an chho vang, Tih chu LALPA thu chhuak a ni. 10:12 Tin, LALPA ah chuan anmahni ka tichak ang a, ama hmingin an chhukin an chho vang, Tih chu LALPA thu chhuak a ni.