Library · lus

Numbers 17

17:1 Tin, LALPA'n Mosia a bia a. 17:2 "Israel thlahte bia la, an chhungkaw tin, pualah tiang pakhat theuh zel, an chhungkaw zir zela an puipate zawng zawng zat tiang sawm leh pahnih la la,; tin, an tiangah chuan an hming theuh ziak rawh. 17:3 Tin, Levia tiangah chua Arona hming ziak ang che: 17:4 Tin, kan inbiakna, inbiakna Puan In thuhriattirna hmaah chuan i dah tur a ni. 17:5 Tin, heti hi ani ang a, ka mi thlan tura tiang chu a chawr ang a: tichuan Israela tlahte phunnawina, i chunga an phunnawina hi ka tireh dawn a ni," tiin. 17:6 Chutichuan Mosia chuan Israela thlahte chu a bia a, an puipate zawng zawng chuan an chhungkaw tin pualah, puipa tinin tiang pakhat zel, tiang sawm leh pahnih an pe a: Arona tiang pawh chu an tiang zingah chuan a tel ve a. 17:7 Tichuan Mosia'n thuhriattirnaa puan inah LALPA hmaah tiangte chu a dah a. 17:8 Tin, a tukah chuan Mosia chu thuhriattirna puan inah chuan a va kal a; tin, ngai teh, Levi chhungkaw puala Arona tiang chu a lo chawr a, a kuhmum a, a par a, vaiumkhal a lo rah a. 17:9 Tin, Mosia chuan LALPA hma ata tiang zawng zawng chu Israel-hote hnenah a la chhuak a; an lo en a, anmahni tiang theuh chu an la a. 17:10 Tin, LALPA'n Mosia hnenah, "Helhmang fate an ni tih hriattir thinna'n Arona tiang chu thuhriattirna bulah dah leh rawh: tichuan ka chunga an helna hi i tihrehsak thei dawn nia, an thih lohna'n," a ti a. 17:11 Chutiang chuan Mosia chuan a ti a: LALPA'n thu a pek ang chuan a ti a. 17:12 Tin, Israela thlahte chuan Mosia hnenah, "Ngaiteh, kan boral a ni alawm, kan chhe zo ta, kan chhe zo vek alawm.LALPA biak buk rawn hnaih apiangte chu an thi zel a; kan boral vek dawn em ni ang?" an ti a. 17:13 LALPA biak buk rawn hnaih apiangte chu an thi zel a; kan boral vek dawn em ni ang?" an ti a.