Library · lus

Numbers 21

21:1 Tin, Kanaan mi, Arad lal Chhim lama awmin Israel mite atarim kawngah an lo kal tih sawi thawm a hria a; tichuan Israel mite chu a bei a, salahte a man nual a. 21:2 Tin, Israel mite chuan LALPA hnenah thu an tiam a, "Heng mite hi kan kuta min pek chuan an khuate hi kan tiboral hlauh ang e," an ti a. 21:3 Tichuan LALPA'n Israel mite thu chu a pawm a, Kanaan mite chu a pe a, anmahni leh an khuate chu an tiboral hlauh a; a hmun hmingah chuan Horma an vuah a. 21:4 Tin, Hor tlang atang chuan Tuifinriat Sen lamah Edom ram kal hualin an kal a: kawng a kual avangin mipuite rilru chu a lungni lo hle mai a. 21:5 Mipuite chuan Pathian leh Mosia kalin, "Thlalera thi turin engati nge Aigupta ata min hruai chhuah? Chhang awm hlei lo, tui pawh awm hlei lo; he chhang tenawm pawh hi kan nunnain a ten tawh a ni," an ti a. 21:6 Chutichuan LALPA'n mipui zingah chuan rul chuk na mite a tir a, mite a chu a, Israel mite tam tak an thi a. 21:7 Tin, mite chuan Mosia hnenah an kal a. "LALPA leh nangmah kalhin kan lo tawng ta hi kan lo sual ta a ni e, kan zinga rulte hi tibo turin LALPA hnenah tawngtai rawh khai," an ti a; tichuan mite chu Mosia'n chuan a tawngtaisak a. 21:8 tin, LALPA'n Mosia hnenah "Rul chuk na mi, a lem siam la, banah khai rawh; tin, heti hi a ni ang a, rul chuk apiangin chu chu an en chuan an dam ang," a ti a. 21:9 Chutichuan Mosia'n dar rul a siam a, banah a khai a; tin, heti hi a ni a, rul chuk apiangin dar rul chu an enin an dam zel a. 21:10 Tin, Israela tlahte chu an kal ta zel a, Oboth-ah awmhmun an khuar a. 21:11 Tin, Oboth atang chuan an kal leh a, ni chhuahna lam Moab thlaler bul Ieyabarim-ah awmhmun an khuar a. 21:12 Chuta tang chuan an kal leh a, Zered ruamah awmhmun an khuar a. 21:13 Chuta tang chuan an kal leh a, Amor-ho ramri atanga la filawr thlalera Arnon lehlam pangah awmhmun an khuar a; Arnon chu Moab ramri, Moab leh Amor-ho inkara awm a ni a. 21:14 Chuvangin LALPA Indonate Buah chuan "Supha-a Vaheb, Arnon ruamte, 21:15 Ar awmna lama thle Moab rama innghat Ruam awih tlan pangperte chu," tia sawi a ni. 21:16 Chuta tang chuan Beer-ah an kal leh a: chu chu LALPA'n Mosia hnena, "Mipuite chu ko khawm la, tui ka pe ang e," a tihna tuichhunchhuah chu a ni. 21:17 Tin, he hla hi Israelten an sa a; Aw tuikhur, lo chik chhuak la, zaiin chawi la, 21:18 Lalten an laih tuikhur chu. An lal tiang leh an talhtuma, Mipuite mi lianho laih chu. �Tin, thlaler atangte chuan Matanaah an kal leh a: 21:19 tin, Matana atangin Nahaliel-ah; Nahaliel atang chuan bamoth-ah: 21:20 Bamoth atang chuan Moab loa ruam leh thlaler zuk chhun en Pisga chhipah 21:21 Tin, Israel mite chuan amor-ho lal Sihona hnenah, "I ramah hian min kal tlangtir rawh khai; loah emaw, grep huanah emaw kan peng lo ang a; tui chhunchhuah tuite chu kan in lo ang a: i ram kan pelh hma loh chuan lal lamlianah kan kal zel ang," tiin mi an tir a. 21:22 Tin, Israel mite chuan amor-ho lal Sihona hnenah, "I ramah hian min kal tlangtir rawh khai; loah emaw, grep huanah emaw kan peng lo ang a; tui chhunchhuah tuite chu kan in lo ang a: i ram kan pelh hma loh chuan lal lamlianah kan kal zel ang," tiin mi an tir a. 21:23 "Nimahsela Sihona chuan Israel mite hu a rama kal tlang a phal lo va: Sihona chuan a mite zawn zawng chu a khawm vek a, Israel mite bei turin thlalerah chuan an thawk chhuak ta awk a, Jahaz an va thlen a; tin, Israel mite chu an bei a. 21:24 Tin, Israel mite chuan khandaihin an bei a, a ram chu Arnon atanga Jakob tlengin, Amona thlahte thleng hialin an neihsak a: Amona thlahte ram chu ven tlat a ni.chu ven tlat a ni. 21:25 Tin, Israel mite chuan chung khua zawng zawngte chu an la a: tichuan Israel mite chu Amor-ho khua zawng zawngahte chuan an awm a, Hesbon leh a khawper zawng zawngahte pawh chuan. 21:26 Hesbon khua chu Amor-ho lal Sihona khua a ni a, ani chu chu mi hmaa Moab lal lo beia a kut ata a ram zawng zawng, Arnon thlenga laksaktu a ni. 21:27 Chuvangin hlaa phuahtute chuan, Hesbon-ah lo kal u la, Sihona khawpui chu din leh tihngheh ni se; 21:28 Hesbon atangin mei a chhuak a, Sihona khawpui atangin meialh: Moab-a Ar a kang zo a, Arnon hmun sang lalhote chu 21:29 I chung a pik e, Moab! In boral ta, aw Kemos mi: A fapate chu tlan bo atan A fanute salah a pe, Amor-ho lal Sihona hnenah. 21:30 Kan han kap a, Hesbon a boral, Dibon thlengin, Nopha thlengin kan titiau, Chu chuan Medaba a thleng," a ti. 21:31 Chutiang chuan a ni, Amor-ho ramah Israel mite chu an awm. tin, Mosia'n jezer va thlithlai turin mi a tir a, chuta khuate chu an la a, Amor-ho awmte chu an hnawtchuak a. 21:32 Tin, an let a, Basan kawng lamah an chho va: tin, Bazan lal Oga chu anmahni bei turin, amah leh a mite zawng zanwg, Edrei-a lo bei turin, a thawk chhuak a. 21:33 Tin, LALPA'n Mosia hnenah, "Amahh chu hlau suh: amah pawh, a mite zawng zawng pawh, a ram pawh i kutah ka pe tawh a ni: Hesbon-a awm Amor-ho lal Sihona chunga i tih angin i ti tur a ni," a ti a.Chutichuan amah pawh, a fapate pawh, zuah reng reng nei loin a mite zawng zawng nen an that a: a ram chu an luahsak ta a. 21:34 Chutichuan amah pawh, a fapate pawh, zuah reng reng nei loin a mite zawng zawng nen an that a: a ram chu an luahsak ta a.