Library · lus

Esther 10

10:1 Lal Ahasuera chuan a ram kilkhâwr bera awmte leh tuipui kama awmte chu chhiah a chawitîr vek a. 10:2 A thiltih ropui leh mak tak tak te, sawrkâr milian bera Mordekaia a siam thu te chu Persia leh Media lalte chanchin ziakna bu-ah ziak a ni. 10:3 Mordekaia chu lalber Ahasuera dawttu a ni. A Juda-puite pawhin an ngaina a, an ngaisâng êm êm a ni. A mite ṭhatna tûrin hna a thawk a, an thlahte pawh him taka an awm theih nân kawng a zawng zêl ṭhîn.