Psalms 110
110:1 Lalpa thuchhuak chuan ka Lalpa hnênah, ‘Ka ding lamah lo ṭhu rawh, I hmêlmate i ke nghahchhanah ka han siam ang e,’ a ti.
110:2 I laltiang chu Lalpan Zion aṭangin a tîr chhuak a, I hmêlmate chungah ro rêl rawh le.
110:3 Hmêlma i beih ni chuan I tlangvâlte an rawn inpe tup tup ang, I tlâng thianghlimah chuan Zîngah dai tla angin an lo kal khâwm bawk ang.
110:4 Lalpan thu a tiam ta, a sût lo vang, ‘Chatuan Puithiam i ni, Melkisedeka ang chi kha.’
110:5 Lalpa chu i ding lamah a awm a, A thin a ur hunah lalte a titlâwm ang.
110:6 Hnam tinrêng chungah ro a rêl ang a, An ruangte chu a vûm thûr ang.
110:7 Kalkawng lui tui chu a in ang a, a lo harh thar leh ang.