Psalms 128
128:1 Lalpa ṭihtu zawng zawngte chu an nihlawh e, A kawng zawh ṭhînte chu.
128:2 Thawhrim rah i ei ang a, I hlimin i hmuingîl ang.
128:3 I nupui chu i in chhûngrilah, Grep rah duh tak ang hi a ni ang a, I fate pawh oliv tuai ang, Chawhlui kîla ṭhu kual pup tham an ni bawk ang.
128:4 Hetiang hian Lalpa ṭihtute chuan, Malsâwmna an dawng ngei ang.
128:5 Zion aṭangin Lalpan mal a sâwm ang che a, I dam chhûng zawng Jerusalem hmuingîlna chu i chang ve ang.
128:6 I tute hmêl hmuin i dam bawk ang. Israel-te hnênah rem lêng rawh se.