Library · lus

Psalms 14

14:1 Mi â chuan “Pathian rêng a awm lo ve,” a ti rilru ṭhîn. Hlemhle takin an che ṭhîn a, thil tenawm tak an ti a, Thil ṭha ti rêng an awm lo. 14:2 Pathian zawnga fing taka thil ti an awm nge awm lo tiin, Vân aṭangin Lalpan mihringte chu a zuk thlîr a; 14:3 Pêng bo, rilru chhe pu an lo ni vek si a, Thil ṭha ti rêng an awm lo va, Pakhat tê mah an awm hauh lo. 14:4 Mi hlemhle zawng zawngte hian, ka mite ei tûr chu An eisak ṭhîn a ni tih hi an hre na nge? Lalpa hming lah chu an ko si lo. 14:5 Mi dikte chu Pathianin a awmpui avângin, Anni chuan an hlau êm êm ang. 14:6 Retheite remruat chu an timualpho ṭhîn a, Mahse, anni lo humtu chu Lalpa a ni. 14:7 Israel-te chhandamna chu Zion ata lo thleng sela, Lalpan a mite a tihhmuingîl hunah chuan Jakoba thlahte chu an va hlimin an va lâwm dâwn tak êm!