Library · lus

Psalms 8

8:1 Aw Lalpa, kan Lalpa, Lei pum puiah hian i hming a va ṭha êm! I ropuina vân chung sânga awm chu, Naupangte leh nausênten an hril a. 8:2 Phuba latute leh nangmah dotu, I hmêlmate tihdaihna tûr chu. 8:3 I kutchhuak vânte khi ka han thlîr a, Thla leh arsi i dahte khi, 8:4 Mihring hi eng nge maw a niha, i hriat renga, Mihring fapa pawh engtiziaa rawn kan ṭhîn nge i nih le? 8:5 Pathian aia hnuai deuh chauhvin i siam a, Ropuina leh chawimawina chu i khumtîr a. 8:6 I kutchhuak chungahte i laltîr a, An ke hnuaiah engkim i dah vek a. 8:7 Berâm leh ran rual zawng zawng, Ramsate leh chunglêng savate, 8:8 Sangha tinrêng leh tuifinriat chhûnga chêngte nên. 8:9 Aw Lalpa, kan Lalpa, Lei pum puiah hian i hming a va ṭha êm!