Library · lus

Psalms 1

1:1 Mi suaksualte remruat anga awm ngai lova, Mi sualte kawng pawha ding ngai lova, Hmusittute ṭhutphah pawha ṭhu ngai lo mi chu, a eng a thâwl e. 1:2 A lâwmna chu Lalpa dânah a ni zâwk a; A dân thu chu a chhûn a zânin a ngaihtuah ṭhîn. 1:3 Ani chu tui luang kianga thing phun, A hun têa rah ṭhîn, A hnah pawh uai ngai lo ang hi a ni a; A thiltih apiang chu a hmuingîl zêl ang. 1:4 Mi suaksualte erawh chu chutiang an ni lo va; Buhsî thliin a len bo ang hi an ni zâwk. 1:5 Chuvângin, mi suaksualte chu rorêlna hmaah chuan an ding thei lo vang a, Mi sualte pawh mi felte inkhâwmnaah chuan an ding thei hek lo vang. 1:6 Lalpa chuan mi felte kawng chu a hre si ṭhîn a; Mi suaksualte kawng erawh chu a boral ang.