Psalms 100
100:1 Ram zawng zawngte u, Lalpa chawimawiin hlim takin au rawh u.
100:2 Lâwm chungin Lalpa rawng bâwl ula; Hla sa chungin a hmaah lo kal rawh u.
100:3 Lalpa chu Pathian a ni tih hre rawh u; Min siamtu chu amah chu a ni a, ama ta kan ni; A mite leh a ran tlatna hmuna berâmhote chu kan ni.
100:4 Lâwm thu sawi chungin a kawngkhârah chuan lût ula, Fak chungin a biak in hung chhûng kawtlaiah chuan lût rawh u. A hnênah lâwmthu sawi ula, a hming chu fak rawh u.
100:5 Lalpa chu a ṭha si a; a ngilneihna chu kumkhuain a awm ang a; A rinawmna chu chhuan zawng zawng thlengin a awm ang.