Library · lus

Psalms 111

111:1 Lalpa chu fak rawh u. Mi dik takte inrâwn khâwmnaah leh inkhâwmnaah chuan Ka thinlung zawng zawngin Lalpa hnênah lâwmthu ka hrilh ang. 111:2 Lalpa thiltihte chu a ropui a, A chunga lâwm apiangten zawn chhuah a ni ṭhîn. 111:3 A hnathawh chu a zahawmin a ropui a, A felna chu kumkhuaa awm tûr a ni. 111:4 Ani chuan a thilmak tihte chu a hriat rengtîr a; Lalpa chu mi khawngaih thei tak, lainatnaa khat a ni. 111:5 Amah ṭihtute chu ei tûr a pe a; A thuthlun chu kumkhuain a hre reng ang. 111:6 A thiltihte thiltihtheihzia chu a mite hnênah a lantîr a, Hnam tin ro chan chu anmahni pein. 111:7 A kut thiltihte chu thutak leh rorêlna fel a ni a; A thununna thu zawng zawngte chu a rinawm a ni. 111:8 Chûng chu kumkhaw tlaitluan atân tihnghehin a awm a, Thutak leh dik taka tih a ni hlawm. 111:9 Ani chuan a mite hnênah tlanna a rawn tîr a; A thuthlun chu kumkhua atân a ruat a: A hming chu a thianghlimin a zahawm a ni. 111:10 Lalpa ṭih chu finna bul a ni a; Chutianga ti apiangte chuan hriat thiamna ṭha an nei. Amah fakna chu kumkhuaa awm tûr a ni.