Psalms 120
120:1 Ka mangannaah chuan Lalpa chu ka au va; Tichuan, anin mi chhâng a.
120:2 Aw Lalpa, hmui dawtheite lakah leh, lei mi bum hmang lakah chuan, Ka nunna hi chhan him ang che.
120:3 Nang lei bum hmang, I hnênah eng nge an pêk ang chia, eng nge an belhchhah ang che?
120:4 Mi chak thal zum takte, Juniper thing lingte nên.
120:5 Mesek-ho ramah ka awm leh, Kedar-ho puan in zîngah ka awm hi, ka chung a va pik êm!
120:6 Ka nunna hi remna hawtu hnênah hian a chêng rei lutuk tawh a ni.
120:7 Kei chuan inrem ka duh a; Nimahsela, thu ka sawi veleh indo an duh ṭhîn.