Psalms 127
127:1 Lalpan in a sak loh chuan, A satute chuan an thawk rim thlâwn mai a ni; Lalpan khawpui a vawn ṭhat loh chuan, A vêngtu chu a meng thlâwn mai a ni.
127:2 Zîng takah in tho va, tlai takah in châwl a, Thawh rimna chaw in ei ṭhin hi, in tân a thlâwn mai a ni; Hetiang hian a mi duh tak chu a muthilhtîr ṭhîn a ni.
127:3 Ngai teh, fanaute hi Lalpa laka kan ro chan an ni a, Rîla rah hi a lâwmman min pêk a ni.
127:4 Vânglai fate chu Mi chak kuta thal awmte ang hi an ni.
127:5 A thal bâwm faa khat nei mi chu a nihlawh e; Kulh kawngkâa an dote an biak lai pawhin an mualpho lo vang.