Library · lus

Psalms 3

3:1 Lalpa, mi dotute hi an va pung ta êm! Mi beitute hi tam tak an ni. 3:2 Ka chungchâng thu an sawi a, “Pathianin a pui lo vang,” an ti a. (Selah) 3:3 Nimahsela, aw Lalpa, nang chu ka vêlin ka phaw i ni a; Ka ropuina leh ka lû dâwm kângtu i ni e. 3:4 Ka awin Lalpa chu ka au va, A tlâng thianghlim aṭangin mi chhâng ṭhîn a. (Selah) 3:5 Kei zawng ka mû chu ka lo muhîl ta a; Ka han harh leh a, Lalpa chuan mi lo chelh reng ṭhîn a ni. 3:6 Mi dova, mi hual vêltu, Mi sîngkhat pawh hi ka hlau lo vang. 3:7 Aw Lalpa, tho la, aw ka Pathian, mi chhandam rawh; Mi dotute zawng zawng chu an biang ruhah i vaw si a; Mi suaksualte hâ chu i tibal a. 3:8 Chhandamna chu Lalpa ta a ni. I malsâwmna chu i mite chungah awm rawh se. (Selah)