Library · lus

Psalms 64

64:1 Aw Pathian, ka mangan thûah hian ka aw hi lo hria la; Dotute hlauhawmna lakah hian ka nunna humhim ang che. 64:2 Thil ṭha lo titute inrâwn rûkna lakah mi thukru ang che, Thil tisualtute inhâwr khâwmho lakah chuan: 64:3 Chûngte chuan khandaih angin an lei an tât hriam a, Mi sawisêl bo chu hmun fianriala an kah theihna tûrin An thal, thu khâte chuan an tin a; Hlau lovin vawi leh khatah an kâp nghâl thut ṭhîn. 64:5 Thil sual ti-ah chuan an infuih a; Thang a rûka kam thûahte an inbe ṭhîn a; “Tuin nge chûng chu hmu ang?” an ti a. 64:6 Khawlohna an zawng chhuak ṭhîn a; “Ṭhahnemngai takin kan zawng zo ta,” an ti a; An chhûng lam ngaihtuahna leh thinlung chu thûk tak a ni ṭheuh nghâl a. 64:7 Nimahsela, Pathianin anmahni a kâp ang a; Vawi leh khatah thala hliamin an awm ang. 64:8 Chutiang chuan, anmahni lei ngei chuan anmahni a do avângin, tihpetekin an awm ang a; Anmahni hmu apiangin an lû an thing ang. 64:9 Tichuan, mi zawng zawngin an hlau vang a; Pathian hnathawh chu an hril ang a, A thiltih chu fing takin an ngaihtuah ang. 64:10 Mi felte chu Lalpa -ah an lâwm ang a, Amahah chuan rinna an nghat ang a; Thinlung dik tak pu zawng zawngte chuan an chhuang ang.