Job 33
33:1 သို့ဖြစ်၍ အို ယောဘ၊ ယခု အကျွန်ုပ်ပြောမည့်စကားကို နားထောင်ပါလော့။ အကျွန်ုပ်ပြောသမျှကို အာရုံစိုက်ပါလော့။
33:2 ယခု အကျွန်ုပ်သည် နှုတ်ကိုဖွင့်တော့မည်။ ခံတွင်းထဲမှလျှာသည်လည်း ပြောဆိုတော့မည်။
33:3 ဖြောင့်မှန်သောစိတ်သဘောဖြင့် ပြောပါမည်။ သိထားသောအရာများကို နှုတ်ခမ်းဖြင့် ရိုးသားစွာပြောပါမည်။
33:4 ဘုရားသခင်၏ဝိညာဉ်တော်သည် အကျွန်ုပ်ကို ဖန်ဆင်းတော်မူ၏။ အနန္တတန်ခိုးရှင်၏ဇီဝအသက်သည် အကျွန်ုပ်ကို အသက်ရှင်စေတော်မူ၏။
33:5 သင်ပြန်ပြောနိုင်လျှင် ပြန်ပြောပါလော့။ အကျွန်ုပ်ကိုချေပနိုင်ရန် အသင့်ပြင်ထားပါလော့။
33:6 ဘုရားသခင်ရှေ့တော်တွင် သင်နှင့်အကျွန်ုပ်သည် အတူတူပင်ဖြစ်၏။ အကျွန်ုပ်ကိုလည်း မြေမှုန့်ဖြင့် ပုံဖော်ဖန်ဆင်းတော်မူခဲ့၏။
33:7 အကျွန်ုပ်ခြိမ်းခြောက်သောစကားကြောင့် ကြောက်လန့်စရာမလိုပါ။ သင့်ကို အကျွန်ုပ် ကိုယ်ထိလက်ရောက်မပြုနိုင်ပါ။
33:8 အကယ်စင်စစ် သင်ပြောပြ၍ သင့်စကားသံကို အကျွန်ုပ်ကြားရ၏။
33:9 သင်က ‘ငါသန့်ရှင်း၏။ ကျူးလွန်သောအပြစ်မရှိ။ ငါအပြစ်ကင်း၏။ ငါ၌အပြစ်မရှိ။
33:10 သို့သော် ဘုရားသခင်သည် ငါ့ကို အပြစ်ရှာ၍ ရန်သူကဲ့သို့မှတ်တော်မူ၏။
33:11 ငါ့ခြေကို ထိတ်တုံးခတ်ပြီး ငါသွားသောလမ်းဟူသမျှကို စောင့်ကြည့်တော်မူ၏’ဟု ဆို၏။
33:12 ဤသို့ သင်ပြောသောစကားတို့သည် မမှန်ကန်ဟု အကျွန်ုပ်ဆိုမည်။ အကြောင်းမူကား ဘုရားသခင်သည် လူထက် ပို၍ကြီးမြတ်တော်မူ၏။
33:13 အဘယ်ကြောင့် ကိုယ်တော်ကို ရန်တွေ့ရသနည်း။ သင်ပြောသမျှကို ကိုယ်တော်မတုံ့ပြန်သောကြောင့်လော။
33:14 အကယ်စင်စစ် ဘုရားသခင်သည် တစ်ကြိမ်မက နှစ်ကြိမ်မိန့်တော်မူသော်လည်း မည်သူမျှသတိမမူ။
33:15 လူတို့ နှစ်ခြိုက်စွာအိပ်ပျော်နေချိန်၊ အိပ်ရာထက်၌ အိပ်မောကျနေချိန် အိပ်မက်ထဲ၊ ညအချိန်မြင်ရသောစိတ်အာရုံထဲတွင်
33:16 လူတို့၏နားကို ဖွင့်၍ သူတို့၏သွန်သင်ချက်ကို တံဆိပ်ခတ်တော်မူ၏။
33:17 ဤသို့ဖြင့် လူအား ကိုယ့်အကျင့်ဆိုးမှ လွှဲရှောင်စေတော်မူ၏။ လူ၏မာန်မာနကိုလည်း ချိုးနှိမ်တော်မူ၏။
33:18 သူ၏စိတ်ဝိညာဉ်ကို သေတွင်းနှင့်လည်းကောင်း၊ သူ့အသက်ကို ဖျက်ဆီးမည့်ဓားဘေးနှင့်လည်းကောင်း ကင်းဝေးစေတော်မူ၏။
33:19 သူသည် အိပ်ရာပေါ်တွင် နာကျင်ခြင်းဝေဒနာကို ခံစားရလျက်၊ သူ၏အရိုးများသည်လည်း တဆစ်ဆစ်ကိုက်ခဲနာကျင်လျက် ဆုံးမခြင်းကို ခံနေရ၏။
33:20 ထို့ကြောင့် သူ့စိတ်သည် အစားအစာကို ရွံရှာ၍ သူ့ဝိညာဉ်သည် စားကောင်းသောက်ဖွယ်ကို ရွံရှာ၏။
33:21 သူ၏အသားအရေများလည်း မမြင်ရလောက်အောင် ပိန်လှီသွားပြီး သူ၏မထင်ရှားဖူးသောအရိုးများမှာလည်း ငေါထွက်လေ၏။
33:22 သူ၏စိတ်ဝိညာဉ်သည် သေတွင်းသို့ ရောက်လုနီးပြီ။ သူ၏အသက်သည်လည်း သေဆုံးလုနီးပြီ။
33:23 လူအား သူဖြောင့်မှန်ကြောင်းဖော်ပြပေးနိုင်ရန် သူ့အတွက် ကြားဝင်စေ့စပ်ပေးနိုင်သောကောင်းကင်တမန် တစ်ထောင်တွင် တစ်ပါးသာရှိခဲ့လျှင်
33:24 သူ့ကို သနားသောအားဖြင့် ကောင်းကင်တမန်က ‘သူ့ကို သေတွင်းမှ ကယ်တင်တော်မူပါ။ အကျွန်ုပ်သည် ရွေးနုတ်စရာအဖိုးအခကို တွေ့ပါပြီ’ဟု ဆိုလိမ့်မည်။
33:25 သူ၏အသားအရေသည် ကလေးအသားအရေကဲ့သို့ ဖြစ်လိမ့်မည်။ သူသည် ပျိုရွယ်စဉ်နေ့ရက်များကကဲ့သို့ ပြန်ဖြစ်လိမ့်မည်။
33:26 သူသည် ဘုရားသခင်ထံဆုတောင်းမည်။ ဘုရားသခင်သည်လည်း သူ့ကိုလက်ခံတော်မူမည်။ ဝမ်းမြောက်စွာကြွေးကြော်လျက် မျက်နှာတော်ကို ဖူးမြင်ရလိမ့်မည်။ သူ့ကို နဂိုမူလအတိုင်းပြန်လည်ဖြောင့်မတ်စေတော်မူမည်။
33:27 သူသည် လူတို့ကိုကြည့်ရှု၍ ‘ငါသည် ဖြောင့်မှန်သောလမ်းမှလွဲ၍ အပြစ်ပြုမိပြီ။ သို့သော် ငါခံထိုက်သောအပြစ်ကို ခံစေတော်မမူ။
33:28 ငါ့ဝိညာဉ်ကို သေတွင်းသို့မရောက်အောင် ရွေးနုတ်တော်မူ၏။ ငါ့အသက်သည်လည်း အလင်းကို တွေ့မြင်ခွင့်ရ၏’ဟု ဆိုလိမ့်မည်။
33:29 ကြည့်ရှုလော့။ ဘုရားသခင်သည် ဤအမှုအလုံးစုံကို လူတို့အဖို့ နှစ်ကြိမ်၊ သုံးကြိမ်မက ပြုတော်မူပြီ။
33:30 သူ၏စိတ်ဝိညာဉ်ကို သေတွင်းမှပြန်ဆွဲထုတ်ပြီး အသက်၏အလင်းကို ထွန်းလင်းစေတော်မူ၏။
33:31 အို ယောဘ၊ အကျွန်ုပ်ကို အာရုံစိုက်နားထောင်ပါလော့။ တိတ်တိတ်နေပါလော့။ အကျွန်ုပ်ပြောမည်။
33:32 သင်ပြောစရာရှိလျှင် ပြန်ပြောပါလော့။ သင်ဖြောင့်မတ်ကြောင်းကို ငါဖော်ပြလိုသည်ဖြစ်၍ ပြောပါလော့။
33:33 အကျွန်ုပ်ကို ပြန်ပြောစရာမရှိလျှင် နားထောင်ပါလော့။ တိတ်တိတ်နေပါလော့။ အကျွန်ုပ်သည် သင့်ကို ဉာဏ်ပညာအကြောင်း သွန်သင်ပေးမည်”ဟု ဆိုလေ၏။