1 SIAPHARAN
Baebu Thyaa1 SIAPHARAN
1 Kings
1 SIAPHARAN
1Si
1 SIAPHARAN
1 Kings
Byalaanmaw
Samuel ccauh hae kya-e Israel siapharan hae phungpaw kha Siapharan Uk Kheitnaw kyahin piachih athua. E ccauh hynh phuin thum lang phia kho athua:
1. Solomon nynh Israel te Judah siapharan lang a tangnaw te a paaw David chinaw kong.
2. Solomon nynh a uknaw te a ryalawnaw. Abyapihua lante Jerusalem Beikinn a saknaw kong.
3. Thahlang peenaw te alia peenaw cite a phiakunaw kong te BC 850 cia tuh-e peenaw hae a uktu siapharan hae phungpaw.
Siapharan Ccauh uk ning hae kyahin uktu miakaw kha Pachia tungvaw a lungzi tou zi khyh tou cipaw syntawte byapia athua hae. Zohtuh beiknaw te kawngae leinaw nynh ronaw a thuakhae. Thahlang peenaw kya-e siapharan hae tuh tuh-e syntawnaw kya a shung hae. Alia peenaw kya-e Judah siapharan hae tuh abang shung hae zah abang a aw hae.
Siapharan Uk Kheitnaw kyaze alangkuh hua hae paw tuh Bawipaw profeh hae ryalawnaw thua zah, tuh-e hae nynh ccungccaw hae kha zohtuh beik lei lan te Pachia kaw-ei lei lan rawthungte raeringnaw pya hae zah a hopya hae. Tuh-e hae kyaze a minthaan huapaw tuh Elijah thua zah Baal profeh hae ryte a taekunaw hae kong kha byaria 18 kya a um.
Abyalupi hae
David uknaw athangnaw 1.1—2.12
Solomon tuh siapharan lang a tang 2.13-46
Solomon uknaw 3.1—11.43
a. Atakaw lya-e kum hae 3.1—4.34
b. Beikinn saknaw 5.1—8.66
c. Nyathya e kum hae 9.1—11.43
Peenaw a phia hae 12.1—22.53
a. Thahlang e phin hae nynh rhaw a tho hae 12.1—14.20
b. Judah te Israel siapharan hae 14.21—16.34
c. Profeh Elijah 17.1—19.21
d. Israel siapharan Ahab 20.1—22.40
e. Judah siapharan Jehoshafat te Israel siapharan Ahaziah 22.41-53