2 SAMUEL
Baebu Thyaa2 SAMUEL
2 Samuel
2 SAMUEL
2Sa
2 SAMUEL
2 Samuel
Byalaanmaw
Samuel Uk Ningnaw tuh Samuel Uk Kheitnaw te apiakuhpaw thua zah, David nynh siapharan lante ram a uknaw kong phungpaw nynh thua, masaty lan alia lang umpaw Judah ram kha uk zah (byaria 1-4), tukoute thahlang umpaw Israel ram ryte ram pynpi kha a uk (byaria 5-24). David nynh a peenaw kosah khylan te a bawitungkhung tynsah khylan ram lungkhu te ram atolang e rhaw hae kha pawtemou a dou hae cipaw a langsah. David tuh Pachia myarya a zynpaw te a doliakuhpaw nynh thua, a ccungccaw hae tuh a tungvaw kya lungzinaw a hoi hae. Tuhzemah a rynaw te a eenaw kha tungsah khylan vaekhakheit a rysawthah zah, seinaw lepaw kha a rae. Thuasalama Bawipaw profeh Nathan nynh a seinaw kha he a phy tuh, a seinaw phykuh zah Pachia detahnaw kha a teing.
David a hiinnaw te a cyi khonaw tuh Israel ccungccaw hae thinlung kya ccavyng um zah, nyalang vawsawnaw a tung hae ze David kha ngae hae zah, amaw a lopaw David ciihan siapharan yn pui cih cite a ngaehoi hae.
Abyalupi hae
David nynh Judah ram a uknaw 1.1—4.12
David nynh Israel ram pynpi a uknaw 5.1—24.25
a. Atakaw lya-e kum hae 5.1—10.19
b. David te Bathsheba 11.1—12.25
c. Vawsawnaw te runaw hae 12.26—20.26
d. Nyalang e kum hae 21.1—24.25