Library · czt

KOLOSE

Baebu Thyaa

KOLOSE

Colossians

KOLOSE

Kol

KOLOSE HAE

KALAN PAUL CCAKY

Colossians

Byalaanmaw

Kolose hae kalan Paul Ccaky hynh Asia Minor ram kyaze khuapi khua kheit athuapaw, Efesa khua kyate nithua lang a umpaw Kolose khriccaawbuu kalan a kypaw nynh thua. Asia ram, Rom Accozah nynh a ukpaw ram lungkhu e Efesa kyate ryalahtu a saw hae keiccuze hynh-e khriccaawbuu tuh Paul nynh a raepaw athua khyh zemah Paul nynh tuin ram kya rya ka hoi ci ciate a tuaku. Kolose khriccaawbuu kya ccangpahseitu hae um hae zah tuh-e hae nynh: ccungccaw lu kheit nynh Pachia nynaw elang te accingpaw khumnaw ccounaw elang hynh “uktu hae te muisaw uktu hae” a beik aho, a ci hae paw kha a thae. Tuhpiaze hynh-e ccangpahtu hae nynh zyntu lu kheit nynh tuh a rae lanpaw vingdungawkunaw, aenia kong te ccaccangpaw balyn a zui aho a ci hae.

Paul nynh ahmepaw Khriccaaw phung te hynh-e ccangpyanaw hae tuh a rawsekuh hae cite a zei. A ccaw nynh abyapi lante a ho rypaw tuh: Jesu Khri tuh accingpaw khumnaw oun pyatu thua zah, ccangpaw zynnaw te cyisahnaw miakaw tuh Jesu kyate oun cciakhaeseitu hae nynh athua hae. Khri liate Pachia nynh laephi rae zah Khri liate amaw kalan khe bua oun kikhae cih. Khri te kyngkunaw kyalya te rou nynh laephi hynh khumnaw a ccou cih cite ngaehoinaw a um. Te Paul nynh hynh-e ccangpyanaw hynh zyntu hae hiinnaw pawcitemou asuilan a hoi cipaw kha a langsaku.

Paul nynh Filemon kalan ccaw a zeipyapaw Onesimas hynh see thua zah, Kolose khua kalan Tikhikas nynh ccaw a phu lyaze a zuipaw nynh thua.

Alungkhu Umpaw

Byalaanmaw — 1.1-8

Khri a thuanaw te a ryalawnaw — 1.9—2.19

Khri kya hiinnaw thawpaw — 2.20—4.6

Athangnaw — 4.7-18