JEREMIAH
Baebu ThyaaJEREMIAH
Jeremiah
JEREMIAH
Jer
JEREMIAH
Jeremiah
Byalaanmaw
Profeh Jeremiah tuh BC za sari athang dyn te za taruh athotakawnaw loukaw kya a la umpaw thua zah, khaw cia rya a law lungkhu kya Pachia ccungccaw hae kya-e zohtuh beiknaw te mih seinaw keiccuze minphuin tungvaw a thua cih paw vawsawnaw kong kha raeringnaw a pya hae. A la hodaepaw kha amaw a muihnaw kya mawkhe ccing zah, Babilon siapharan Nebukhadnezzar nynh Jerusalem te Beikinn kha roh zah Judah siapharan te a ccungccaw hae patae kha kyngte Babilon lang a cciakhae hae. Te Judah hae a kithui lan hae paw te minphuin phuin kheit bua athua nawlan hae paw kong kha mah a hodae.
Jeremiah ccauh hynh phuin pangaw lang phia kho athua: (1) Jeremiah kha konaw; (2) Judah ram uktu Josiah, Jehoiakim, Jehoiakhin te Zedekiah she lyaze Pachia nynh Judah hae te mih uktu hae a hopya hae paw bya; (3) Jeremiah a ryaccinkhan Baruk nynh a zeipaw ccauh lungkhu kyaze Jeremiah nynh a hiin lya a la hopaw profehbya hae te abyapipaw acyihkuhpaw aphuinphuin; (4) ramccang hae konglang Bawipaw kyate yn thuapaw bya; (5) Jerusalem khua aro lanpaw kong te Babilon lang see lang a tang lan hae paw kong.
Jeremiah tuh ccungccaw rynaw a nyhthyapaw nynh thua, a ccungccaw hae kha myarya sungsah hae zah minmin tungvaw byapianaw kong papin ho ry khyh. Pachia nynh profeh lang a la ko keiccuze vawsaw a teingnaw kong kha thinlungccite a hopya hae. Pachia bya tuh a thinlung kya maee hawte rua zah ho leite um kho khyh.
Jeremiah ccauh lungkhu e abyapi huaccepaw bya abang nynh Jeremiah a vawsaw ccyh athang koute malang a um cih paw byakin thawpaw ccyh hanlan cia a ho. Tuin ccyh kya tuh Pachia ccungccaw hae kha nysah khylan ccangpahtu um leite tuh-e byakinnaw thawpaw kha a zui cih hae, pawccecize tuh-e tuh mih thinlung kya zei athua vae cih (31.31-34).
Abyalupi hae
Jeremiah kha konaw 1.1-19
Josiah, Jehoiakim, Jehoiakhin te Zedekiah siapharan hae
uknaw ccyh kya Jeremiah a hopaw bya 2.1—25.38
Jeremiah she lungkhu acyihkuhpaw hae 26.1—45.5
Minphuin ccangpaw hae rawsete hopaw bya hae 46.1—51.64
Jerusalem ronaw 52.1-34