LUKA
Baebu ThyaaLUKA
Luke
LUKA
Luk
LUKA
KYATE THEHOYPAW
Luke
Byalaanmaw
Luka Thehoypaw nynh Jesu hynh Israel hae hanlan byakin typaw Khumtu te ccungccaw miakaw Khumtu athuanaw kha parouhte a langsaku. Luka nynh Jesu tuh “ryachi hae kalan Thehoypaw a phytu” lang (4.18), Bawipaw Muisaw nynh a kopaw te hynh-e Thehoypaw kyahin a hoboupaw ccungccaw hae hanlan asekunawte phe abeih. Luka lungkhu kya athonaw byaria hae kya Jesu a puinaw thuasah, athangnaw ze Jesu vaawlang a kaenaw thuasah, lungtuanaw kha abyapi lante a hangthung. Hynh-e ccauh a zeitupaw mamin hynh nynh Jesu vaawlang a kae koute Khriccaaw zynnaw a pungzaenaw te a kaethungnaw phungpaw kha Locceihtu hae Ryalawnaw ccauh kya bua oun hopya.
Ccangpaw Thehoypaw kya a um leipaw kha Luka kya muih thua zah, tuh-e hae tuh Jesu a pui lyaze tuurin hae te vaaw hae nynh paeenaw kya hlaw a sah hae paw kong, a imua lya Beikinn lungkhu kya Jesu, Samaria Mihoypaw te Ccapaw Zopaw phungpaw hae nynh athua hae. Thehoypaw lungkhu kya balyn abyapi lante a langsahkupaw tuh sawsangnaw, Thyaa Muisaw, Jesu ryalawnaw kya nopi hae a byapinaw hae te Pachia kya-e seingaethyanaw kha nynh athua.
Alungkhu Umpaw
Byalaanmaw — 1.1-4
Jesu te Baptisma pyatu Johan a puinaw hae te a imua lya hae — 1.5—2.52
Baptisma pyatu Johan ryalawnaw — 3.1-20
Jesu baptisma innaw te tuhounaw — 3.21—4.13
Galilee kya Jesu nynh zapi kya ryalawnaw — 4.14—9.50
Galilee kyate Jerusalem lang — 9.51—19.27
Jerusalem pepan te Jerusalem kya nyathya lonaw — 19.28—23.56
Bawipaw a thoothuinaw, a langkunaw hae te vaawlang a kaenaw — 24.1-53