MARKA
Baebu ThyaaMARKA
Mark
MARKA
Mar
MARKA
KYATE THEHOYPAW
Mark
Byalaanmaw
Thehoypaw Marka nynh “Pachia Ccapaw Jesu Khri kong Thehoypaw,” cite bya a tho. Jesu tuh rya a lah zungzaepaw ccungccaw te kawhoitu hawte a lang. A kawhoinaw tuh a ccangpyanaw kya, Satan hae tungvaw a huhan, ccungccaw seinaw hae a ngaethyanaw kya muih lan a um. Jesu nynh seinaw kyate ccungccaw hae luesah lan a hiinnaw pyakute yn thuapaw Ccungccaw a thuanawpaw a hoku.
Marka nynh Jesu phungpaw hynh ccaerarih lan zei zah, a ccangpyanaw hae te a bya hae laeze a ryalaw hae kha abyapi lan a law. Baptisma pyatu Johan konglang bya a tho nawlan a ho koute Jesu baptisma a innaw te tuhounaw a ingnaw a zei koute ccawzeitu nynh Jesu ryalawpaw dansahnaw te ccangpyanaw a zei. Sosoh koute Jesu a zui hae paw nynh amaw kha houh oun ny hae, thuasalama a ry lei hae paw nynh houh a hua hae. Athangnaw byaria hae nynh Jesu tungvaw nyathya lonaw ze laephi hiinnaw kya acyihkuhpaw, vaelantahnaw te a thoothuinaw hae alae lante a langsaku hae.
Thehoypaw nynh thangnaw ccangning hoi zah, tuh-e hae tuh koihpaw (bracket) lungkhu kya zei hae paw thua zah Mark zeitu nynh zeipaw thua leite mingccang hae nynh a zei hae paw nynh athua cih cite zynnaw a um.
Alungkhu Umpaw
Thehoypaw a thonaw — 1.1-13
Galilee kya Jesu nynh zapi kya ryalawnaw — 1.14—9.50
Galilee kyate Jerusalem lang — 10.1-52
Jerusalem pepan te nyathya lonaw — 11.1—15.47
Jesu thoothuinaw — 16.1-8
A thoothuipaw Bawipaw a langkunaw te vaawlang a kaenaw — 16.9-20