SAM 110
Bawipaw te A Popaw Siapharan
David Hlaw
1
Bawipaw nynh ka Bawipaw kha,
“Na rhaw hae kha na ccusy lang
kae raepya makhia tuh,
ka ranglang khe haung,” a cipya. (110.1: Mat 22.44; Mar 12.36; Luk 20.42-43; Loc 2.34-35; 1Ko 15.25; Efe 1.20-22; Kol 3.1; Heb 1.13, 8.1, 10.12-13)
2
Bawipaw nynh na lesaenaw hoitang tuh
Zion kyate a saw.
Na rhaw hae ngaelung kyakhe uktua.
3 Athyaapaw mua hae vawlan khe
na ccungccaw hae kha na cciakhae nin hae khe,
minmin nynh mimaw lungthote
a pyakuh cih hae.
Na mino hae tuh awkhua e dangtui hawte,
na kalan oun thua cih hae.
4
Bawipaw nynh bya phe kinkuh vae zah,
a tuanaw tuh paleihkuh lan khyh:
“Nang tuh Melkhizedek thuanaw thyhte
zungzae ranpibawi nynh na thua,” a ci. (110.4: Heb 5.6, 6.20, 7.17, 21)
5 Bawipaw tuh na ranglang khe a um;
a thinria ccyh khe siapharan hae kha
a roh cih hae.
6 Aning nynh minphuin hae kya
byapianaw a rae cih zah,
michi rhua te phe a biasah cih;
laephi pynpi e lupi hae kha
a roh cih hae.
7 Aning nynh laanpi pe aluapaw
vawkhu e tui kha a neih cih;
tukeiccuze aning nynh
a lu kha a hangthung cih.