BYAPHY
Baebu ThyaaBYAPHY
Revelation
BYAPHY
Bya
BYAPHY
Revelation
Byalaanmaw
Johan kya Langsakupaw Byaphy hynh Jesu Khri tuh Bawipaw nynh thua cite Khriccaaw hae mih zynnaw keiccuze vawsaw a teing lya hae ze zeipaw nynh thua. Ccawzeitu nynh a eenaw tuh a ccawriatu hae ngaehoinaw te thawzung pyanaw, vawsawnaw te runaw ccyh kya balyn zynnaw kya atyn nawlan hae hyynawpaw nynh thua.
E ccauh lungkhu e alunghua tuh tuin ccyh lya-e Khriccaaw hae hanlan thua leite ccangpaw ccungccaw hae hanlan thaethya arupaw byakhupaw te a hopaw byaphy hae te vizin hae patae a um. E ccauh abyalupi hae hynh vizin aphuinphuin te avae patae atu te atu a langsaku. E ccauh ccaesahnaw kong te kyngkuh zah tuanaw aphuinphuin um salamah a abyalupi a lungdy tuh: Pachia nynh Khri Bawipaw kha mangte a rhaw hae te Satan kha marya yn tae cih zah taenaw yn ccing te, amaw zyntu hae tuh vaaw thawpaw te laephi thawpaw ccounaw hythuanaw lasung kha yn pya cih hae, cipaw nynh thua.
Alungkhu Umpaw
Byalaanmaw — 1.1-8
Vizin athotakawnaw te khriccaawbuu hae buu sari kalan ccaky — 1.9—3.22
Ccakue te tazeih ccangsari — 4.1—8.1
Mungkae ccangsari — 8.2—11.19
Hupi te sarepaw sa ning — 12.1—13.18
Vizin aphuinphuin — 14.1—15.8
Pachia thinrianaw pakekhupaw ccangsari — 16.1-21
Babilon ronaw, sarepaw shungnaw, lingthya profeh te Satan — 17.1—20.10
Nyathya byapianaw — 20.11-15
Vaaw thawpaw, laephi thawpaw, Jerusalem thawpaw — 21.1—22.5
Athangnaw — 22.6-21