Nehemiah 12
1 ဒီးအအံၤမ့ၢ်ပှၤလုၢ်တၢ်အဒိၣ်,ဒီးပှၤလ့ၤဝံဖိလၢအဟဲထီၣ်ဒီးစီၤၡၤလတံၤအ့လးအဖိခွါစီၤစရူဘၤဘ့လး,ဒီးစီၤယ့ၤရှူ,စီၤစရါယၤ,စီၤယံးရမံယၤ,စီၤဧ့စြၤ,
2 စီၤအမၤရယၤ,စီၤမးလူး,စီၤဃးထူၣ်,
3 စီၤၡကါနယၤ,စီၤရဃူၣ်,စီၤမရ့မိး,
4 စီၤဧံးဒိၤ,စီၤကံးနသိၤ,စီၤအဘံယၤ,
5 စီၤမံယမံၣ်,စီၤမၤဒယၤ,စီၤဘံလကၤ,
6 စီၤၡမါယၤ,ဒီးစီၤယိၤရံာ်,စီၤယဒံယၤ,
7 စီၤစးလူၤ,စီၤဧၤမိး,စီၤဃံလကံယၤ,စီၤယဒံယၤလီၤ.အဝဲသ့ၣ်တဖၣ်န့ၣ်မ့ၢ်ပှၤလုၢ်တၢ်အဒိၣ်အခိၣ်,ဒီးပှၤလၢအဒီပုၢ်ဝဲၢ်အကျါလၢစီၤယ့ၤရှူအမုၢ်နံၤတဖၣ်န့ၣ်လီၤ.
8 ဒီးပှၤလ့ၤဝံဖိန့ၣ်,စီၤယ့ၤရှူ,စီၤဘံနူၤ,စီၤကးမံၤအ့လး,စီၤရှ့ရ့ဘယၤ,စီၤယူဒၤ,စီၤမးတၤနယၤအိၣ်ဝဲလၢတၢ်သးဝံၣ်အဖီခိၣ်,အဝဲဒၣ်ဒီးအဒီပုၢ်ဝဲၢ်လီၤ.
9 ဒီးစီၤဘးကဘူကယၤ,ဒီးစီၤဧူးနံၤ,အဝဲသ့ၣ်အဒီပုၢ်ဝဲၢ်အိၣ်သဃီၤဒီးအီၤလၢပၢၤတၢ်အပူၤလီၤ.
10 ဒီးစီၤယ့ၤရှူထီၣ်ဖိစီၤယိယၤကံၣ်,ဒီးစီၤယိယၤကံၣ်ထီၣ်ဖိစီၤအ့လယၤၡံာ်,ဒီးစီၤအ့လယၤၡံာ်ထီၣ်ဖိစီၤယိယဒၤ,
11 ဒီးစီၤယိယဒၤထီၣ်ဖိစီၤယိနၤသၣ်,ဒီးစီၤယိနၤသၣ်ထီၣ်ဖိစီၤယးဒူၤလီၤ.
12 ဒီးလၢစီၤယိယၤကံၣ်အမုၢ်နံၤန့ၣ်ပှၤလုၢ်တၢ်အဒိၣ်,ပၢ်တဖၣ်အခိၣ်,မ့ၢ်စီၤမရါယၤဘၣ်ဃးဒီးစီၤစရါယၤ,စီၤဃနၤနယၤဘၣ်ဃးဒီးစီၤယံးရမံယၤ,
13 စီၤမရှူလၣ်ဘၣ်ဃးဒီးစီၤဧ့စြၤ,စီၤယိဃၤနၣ်ဘၣ်ဃးဒီးစီၤအမၤရယၤ,
14 စီၤယိနၤသၣ်ဘၣ်ဃးဒီးစီၤမံလကူၤ,စီၤယိၤသးဘၣ်ဃးဒီးစီၤၡဘၤနယၤ,
15 စီၤဧၤဒနၤဘၣ်ဃးဒီးစီၤဃၤရံၣ်,စီၤဃ့လကံဘၣ်ဃးဒီးစီၤမရၤယိာ်,
16 စီၤစကၤရယၤဘၣ်ဃးဒီးစီၤဧံးဒိၤ,စီၤမရှူလၣ်ဘၣ်ဃးဒီးစီၤကံးနသိၣ်,
17 စီၤစံးကရံးဘၣ်ဃးဒီးစီၤအဘံယၤ,စီၤပံးလတဲၤဘၣ်ဃးဒီးစီၤမံးနယၤမံၣ်ဘၣ်ဃးဒီးစီၤမိၤဧၤဒယၤ,
18 စီၤၡးမူၤဘၣ်ဃးဒီးစီၤဘံလကၤ,စီၤယိနၤသၣ်ဘၣ်ဃးဒီးစီၤၡမါယၤ,
19 စီၤမးတနဲဘၣ်ဃးဒီးစီၤယိၤရံာ်,စီၤဧူးစံဘၣ်ဃးဒီးစီၤယဒံယၤ,
20 စီၤကးလဲၤဘၣ်ဃးဒီးစီၤစးလဲၤ,စီၤဧၤဘ့ၢ်ဘၣ်ဃးဒီးစီၤဧးမိး,
21 စီၤဃၡၤဘယၤဘၣ်ဃးဒီးစီၤဃံးလကံယၤ,စီၤနၤသန့လးဘၣ်ဃးဒီးစီၤယဒံယၤလီၤ.
22 လၢစီၤအ့လယၤၡံာ်,စီၤယိယဒၤ,ဒီးစီၤယိဃၤနၣ်,ဒီးစီၤယးဒူအမုၢ်နံၤန့ၣ်ပှၤလ့ၤဝံဖိအမံၤဆဲးလီၤအသးလၢအပၢ်တဖၣ်အခိၣ်,ဒီးပှၤလုၢ်တၢ်အဒိၣ်တုၤလီၤလၢပှၤပၤရၣ်ဖိအစီၤပၤဒၤရယါဝ့ၣ်လီၤ.
23 ဒီးစီၤလ့ၤဝံအဖိခွါ,ပၢ်တဖၣ်အခိၣ်အမံၤကွဲးအသးလၢလံာ်ကွဲးနီၣ်တၢ်အပူၤတုၤလၢစီၤအ့လယၤၡံာ်အဖိခွါစီၤယိဃၤနၣ်အမုၢ်နံၤတဖၣ်လီၤ.
24 ဒီးပှၤလ့ၤဝံဖိအခိၣ်န့ၣ်စီၤဃၡၤဘယၤ,စီၤရှ့ရ့ဘယၤ,ဒီးစီၤကးမ့ၤအ့လးအဖိခွါစီၤယ့ၤရှူအိၣ်ဝဲသဃီၤဒီးအဒီပုၢ်ဝဲၢ်တတီၤဒီးတတီၤ,ဒ်သိးအကစံးထီၣ်ပတြၢၤတၢ်,ဒီးသးဝံၣ်တၢ်ဒ်ယွၤအခ့အပှၤစီၤဒၤဝံးအတၢ်မၤလိာ်အသိးန့ၣ်လီၤ.
25 စီၤမးတၤနယၤ,ဒီးစီၤဘးကဘူကယၤ,စီၤဧိၤဘါဒယၤ,စီၤမရှူလၣ်,စီၤတၤလမိၣ်,စီၤဧးကူာ်န့ၣ်မ့ၢ်ပှၤပၢၤပဲတရီဖိလၢအပၢၤတၢ်ဖဲပဲတရီအတၢ်ပာ်ဖှိၣ်အလီၢ်လီၤ.
26 အဝဲသ့ၣ်တဖၣ်န့ၣ်အိၣ်ဝဲလၢစီၤယိယၤကံၣ်,စီၤယ့ၤရှူအဖိခွါ,စီၤယိၤစဒးအဖိခွါအမုၢ်နံၤ,ဒီးလၢပဒိၣ်ဖးဒိၣ်စီၤနဃ့မယၤ,ဒီးပှၤလုၢ်တၢ်အဒိၣ်,ပှၤကွဲးလံာ်စီၤဧ့စြၤအမုၢ်နံၤန့ၣ်လီၤ.
27 ဒီးတုၤအပာ်စီဆှံယရူၤၡလ့ၣ်အခိၣ်ဒူဒီး,ဃုဝဲလၢပှၤလ့ၤဝံဖိလၢအလီၢ်ခဲလၢာ်အပူၤဒ်သိးအကမၤတၢ်ပာ်စီဆှံန့ၣ်အိၣ်ဒီးအသူၣ်ခုအသးခု,ဒီးတၢ်စံးထီၣ်ပတြၢၤ,ဒီးတၢ်သးဝံၣ်,ဒီးစှၢၣ်စှံး,သီတူၢ်,ဒီးတနၢ်လီၤ.
28 ဒီးပှၤသးဝံၣ်တၢ်ဖိဟဲအိၣ်ဖှိၣ်ရိဖှိၣ်လၢပှၢ်လၢ်ကျါအိၣ်ဝးတရံးယရူၤၡလ့ၣ်,ဒီးလၢနတိဖၤဖိအတဝီတဖၣ်အပူၤ,
29 ဒီးလၢကံးလကၤလးအဟံၣ်,ဒီးလၢက့ဘၤ,ဒီးဧၤစမၤဝ့းအဟီၣ်ခိၣ်အကဝီၤပူၤတဖၣ်လီၤ.အဂ့ၢ်ဒ်အံၤ,ပှၤသးဝံၣ်တၢ်ဖိမၤအတဝီတဖၣ်ဝးတရံးယရူၤၡလ့ၣ်လီၤ.
30 ဒီးပှၤလုၢ်တၢ်အဒိၣ်,ဒီးပှၤလ့ၤဝံဖိမၤကဆှီထီၣ်အသး,ဒီးမၤကဆှီထီၣ်ပှၤဂီၢ်မုၢ်,ဒီးပဲတရီတဖၣ်,ဒီးတၢ်ခိၣ်ဒူလီၤ.
31 ယဟဲစိာ်ယူဒၤအပဒိၣ်တဖၣ်ဆူတၢ်ခိၣ်ဒူအဖီခိၣ်,ဒီးယပာ်ပှၤသးဝံၣ်တၢ်ဖိခံဖုဖးဒိၣ်လီၤ.တဖုလဲၤဝဲလၢစုထွဲတခီလၢတၢ်ခိၣ်ဒူအဖီခိၣ်ဆူပဲတရီတၢ်အ့ၣ်,
32 ဒီးလၢအလီၢ်ခံန့ၣ်လဲၤဝဲလၢစီၤဟိၤၡၤယၤ,ဒီးပှၤယူဒၤဖိအပဒိၣ်ဖးဒိၣ်တဖၣ်တဝာ်,
33 ဒီးစီၤဧစၤရယၤ,စီၤဧ့စြၤ,ဒီးစီၤမရှူလၣ်,
34 စီၤယူဒၤ,စီၤဘံၣ်ယၤမံၣ်,ဒီးစီၤၡမါယၤ,ဒီးစီၤယံးရမံယၤ,
35 ဒီးပှၤလၢပှၤလုၢ်တၢ်အဒိၣ်အဖိခွါအကျါအိၣ်ဝဲဒီးကွဲၤ,စီၤစကၤရယၤ,စီၤယိနၤသၣ်အဖိခွါ,စီၤၡမါယၤအဖိခွါ,စီၤမးတၤနယၤအဖိခွါ,စီၤမံၤကါယၤအဖိခွါ,စီၤစးကူၢ်အဖိခွါ,စီၤအၤစာ်အဖိခွါ,
36 ဒီးအဒီပုၢ်ဝဲၢ်စီၤၡမါယၤ,ဒီးစီၤဧစၤရ့လး,စီၤမံလလဲၤ,စီၤကံလလဲၤ,စီၤမၤဧၤ,စီၤနၤသန့လး,ဒီးစီၤယူဒၤ,စီၤဃနၤနံသ့ၣ်တဖၣ်အိၣ်ဝဲဒီးယွၤအခ့အပှၤစီၤဒၤဝံးအဒံၣ်ဒၢပီၤဒွါ,ဒီးပှၤကွဲးလံာ်စီၤဧ့စြၤအိၣ်လၢအမဲာ်ညါလီၤ.
37 ဒီးဖဲပဲတရီထံထီၣ်ပၢၢ်လၢအအိၣ်သဃီၤဒီးအီၤန့ၣ်လဲၤထီၣ်ဝဲလၢစီၤဒၤဝံးအဝ့ၢ်အဃီ,ဖဲတၢ်လဲၤထီၣ်လၢတၢ်ခိၣ်ဒူလၢစီၤဒၤဝံးအဟံၣ်အဖီခိၣ်,ပၢၢ်လၢပဲတရီထံလၢမုၢ်ထီၣ်တခီလီၤ.
38 ဒီးပှၤလၢအသးဝံၣ်တၢ်တဖုဒၣ်လဲၤသဂၢၢ်အီၤ,ဒီးယပိာ်အခံဒီးပှၤဂီၢ်မုၢ်တဝာ်,လၢတၢ်ခိၣ်ဒူလၢဖၣ်ကပူၤတၢးထီအဖီခိၣ်ပၢၢ်လၢတၢ်ခိၣ်ဒူလဲၢ်န့ၣ်,
39 ဒီးလၢပဲတရီအ့ဖရဲၣ်အဖီခိၣ်,ဒီးလၢပဲတရီလီၢ်လံၤအဖီခိၣ်,ဒီးလၢပဲတရီညၣ်အဖီခိၣ်,ဒီးတၢးထီဃနၤန့လး,ဒီးပဲတရီမ့ၤအၤ,ပၢၢ်လၢပဲတရီသိဒီးမဲာ်တဲးလဲး,ဒီးအိၣ်ကတီၢ်ဖဲပဲတရီဃိာ်လီၤ.
40 ဒီးပှၤခံဖုလၢအသးဝံၣ်တၢ်လၢယွၤအဟံၣ်ပူၤန့ၣ်ဆၢထၢၣ်ဝဲ,ဒီးယၤ,ဒီးပှၤပဒိၣ်တဝာ်အိၣ်ဒီးယၤ,
41 ဒီးပှၤလုၢ်တၢ်အဒိၣ်,စီၤအ့ၤလယါကံၣ်,စီၤမၤစ့ယၤ,စီၤမံးနယၤမံၣ်,စီၤမံၤကါယၤ,စီၤအ့လံၤဧ့နံၤ,စီၤစကၤရယၤ,စီၤဃနၤနယၤန့ၣ်အိၣ်ဝဲဒီးကွဲၤ,
42 ဒီးစီၤမၤစ့ယၤ,ဒီးစီၤၡမါယၤ,ဒီးစီၤအလၤဧစၢ်,ဒီးစီၤဧူၤစံ,ဒီးစီၤယိဃၤနၣ်,ဒီးစီၤမၤလကံယၤ,ဒီးစီၤဧ့ၤလၣ်,ဒီးစီၤဧ့စ့ၢ်လီၤ.ဒီးပှၤသးဝံၣ်တၢ်ဖိအုၣ်တၢ်လၢအကလုၢ်ဖးဒိၣ်,အိၣ်ဒီးပှၤကွၢ်အီၤစီၤယံးစရၤဃယၤလီၤ.
43 ဒီးတၢ်လၢမုၢ်တနံၤန့ၣ်ပှၤလုၢ်တၢ်လုၢ်ဖးဒိၣ်တဖၣ်,ဒီးသူၣ်ခုသးခုလီၤ.အဂ့ၢ်ဒ်အံၤ,ယွၤဒုးခုအသးလၢတၢ်သးခုဖးဒိၣ်,ဒီးအဖိအမါ,ဒီးဖိဒံဖိသၣ်သူၣ်ခုသးခုစ့ၢ်ကီး,ဒီးယရူၤၡလ့ၣ်အတၢ်သးခုဟူထီၣ်ဝဲလၢအယံၤလီၤ.
44 တၢ်လၢမုၢ်တနံၤန့ၣ်တၢ်ပာ်ပှၤတဖၣ်လၢဒၢးတဖၣ်အဖီခိၣ်လၢတၢ်ပာ်ဖှိၣ်အဂီၢ်,လၢတၢ်မၤဘူၣ်အဂီၢ်,လၢတၤသၣ်ဆိအဂီၢ်,ဒီးတၢ်ဆံဆဲၣ်ပူတပူအဂီၢ်,ဒ်သိးအကထၢဖှိၣ်တၢ်ဆူအပူၤလၢဟီၣ်ခိၣ်အကဝီၤတဖၣ်အပူၤ,လၢဝ့ၢ်တဖၣ်အပူၤ,လၢပှၤလုၢ်တၢ်အဒိၣ်,ဒီးပှၤလ့ၤဝံဖိအဂီၢ်,ဒ်တၢ်သိၣ်တၢ်သီအသိးန့ၣ်လီၤ.အဂ့ၢ်ဒ်အံၤ,ပှၤယူဒၤဖိသူၣ်ခုသးခုလၢပှၤလုၢ်တၢ်အဒိၣ်,ဒီးပှၤလ့ၤဝံဖိလၢအဆၢထၢၣ်အဃိလီၤ.
45 ဒီးပှၤသးဝံၣ်တၢ်ဖိ,ဒီးပှၤပၢၤပဲတရီဖိတိၢ်န့ၢ်တၢ်ကွၢ်က့ၤဘၣ်ဃးဒီးအကစၢ်,ဒီးတၢ်ကွၢ်က့ၤဘၣ်ဃးဒီးတၢ်မၤကဆှီ,ဒ်စီၤဒၤဝံးဒီးအဖိခွါစီၤၡလိၤမိၤအတၢ်မၤလိာ်အသိးန့ၣ်လီၤ.
46 အဂ့ၢ်ဒ်အံၤ,လၢစီၤဒၤဝံး,ဒီးစီၤအၤစာ်အမုၢ်နံၤလၢပျၢၤန့ၣ်ပှၤသးဝံၣ်တၢ်ဖိ,ပှၤအုၣ်တၢ်စံးထီၣ်ပတြၢၤယွၤတဖၣ်အခိၣ်အိၣ်ဝဲလီၤ.
47 ဒီးလၢစီၤစရူဘၤဘ့လးဒီးလၢစီၤနဃ့မယၤအမုၢ်နံၤန့ၣ်အံၣ်စရ့လးခဲလၢာ်ဟ့ၣ်ပှၤသးဝံၣ်တၢ်ဖိ,ဒီးပှၤပၢၤပဲတရီဖိအဂီၢ်တဖၣ်လၢတနံၤအဂီၢ်တနံၤအဂီၢ်လီၤ.ဒီးပာ်တၢ်စီဆှံလၢပှၤလ့ၤဝံဖိအဂီၢ်,ဒီးပှၤလ့ၤဝံဖိန့ၣ်ပာ်တၢ်စီဆှံတသါလၢစီၤအၤဟရိၣ်အဖိအဂီၢ်လီၤ.