Library · ksw

Job 25

1 ဒီးပှၤရှူဃးဖိစီၤဘံးလဒးစံးဆၢတၢ်,ဒီးစံးဝဲဒၣ်,

2 ယွၤပၢတၢ်,ဒီးမၤပျံၤတၢ်,မၤဃူတၢ်မၤဖိးတၢ်လၢအလီၢ်ထီၣ်ထီတဖၣ်လီၤ.

3 အသုးမုၢ်တဖၣ်အတၢ်ဂံၢ်အိၣ်စ့ၢ်ကီးဧါ.ဒီးပှၤလၢအတၢ်ကပီၤတဆဲးဘၣ်အလိၤန့ၣ်မ့ၢ်မတၤတဂၤလဲၣ်.

4 မၤသးဒ်န့ၣ်ဒီးပှၤကညီကတီကလိၤဒီးယွၤဒ်လဲၣ်,ဒီးပှၤလၢအအိၣ်ဖျဲၣ်လၢပိာ်မုၣ်န့ၣ်ကစီဆှံဝဲဒ်လဲၣ်.

5 ကွၢ်ကွၢ်,လါန့ၣ်တကပီၤဘၣ်,ဒီးဆၣ်ဧိၤဖီဧိၤတကပီၤဘၣ်လၢအမဲာ်ညါဘၣ်.

6 ပှၤကညီလၢအမ့ၢ်လၢၣ်ဧိၤဆှးဧိၤ,ပှၤကညီဖိလၢအမ့ၢ်တၢ်အဃိၤအဃၢ်န့ၣ်နးန့ၢ်အန့ၣ်တက့ၢ်ဆံးဒိၣ်လဲၣ်.