Psalms 114
1 တုၤအံၣ်စရ့လးဟးထီၣ်ကွံာ်လၢအဲၤကူပတူးအပူၤ,စီၤယၤကိာ်အပှၤဟံၣ်ဖိလၢပှၤဂီၢ်မုၢ်အိၣ်ဒီးပှၤတခီဘီမုၢ်ဖိအကျိာ်ဒီး,
2 ယူဒၤမ့ၢ်အလီၢ်စီဆှံ,အံၣ်စရ့လးန့ၣ်မ့ၢ်အလီၢ်လၢအပၢဝဲလီၤ.
3 ပီၣ်လဲၣ်ထံၣ်ဘၣ်ဝဲ,ဒီးဃ့ၢ်ကွံာ်,ဒီးယၢ်ဒ့ၣ်ဂုၤက့ၤခံ,
4 ကစၢၢ်တဖၣ်စံၣ်တၢ်ဒ်သိဖါအသိး,တၢ်စိခိၣ်န့ၣ်ဒ်သိဖိအသိးန့ၣ်လီၤ.
5 ပီၣ်လဲၣ်ဧၢ,မ့ၢ်မနုၤဘၣ်နၤလၢနဃ့ၢ်လဲၣ်.ယၢ်ဒ့ၣ်ဧၢ,ဘၣ်မနုၤလၢနဂုၤက့ၤနခံလဲၣ်.
6 ကစၢၢ်သ့ၣ်ဧၢ,သုစံၣ်တၢ်ဒ်သိဖါအသိး,တၢ်စိခိၣ်သ့ၣ်ဧၢ,ဒ်သိဖိအသိးန့ၣ်ဘၣ်မနုၤလဲၣ်.
7 ကနိးလၢယွၤအမဲာ်ညါ,ဟီၣ်ခိၣ်ဧၢ,လၢယၤကိာ်အကစၢ်အမဲာ်ညါ,
8 ပှၤလၢအဒုးကဲထီၣ်လၢၢ်လၢထံနိၣ်တဖၣ်,လၢၢ်ကိၤန့ၣ်လၢထံထီၣ်ပၢၢ်န့ၣ်တဂၤအမဲာ်ညါတက့ၢ်.