Library · ksw

Psalms 130

0 ပှၤတမှံၤအတၢ်သးဝံၣ်.

1 ယွၤဧၢ,ယကိးထီၣ်နၤလၢတၢ်ယိာ်အပူၤလီၤ.

2 ကစၢ်ဧၢ,ဒိကနၣ်လၢ်ယကလုၢ်တက့ၢ်.ပာ်ကနၣ်နနၢ်လၢယဃ့ကညးတၢ်အကလုၢ်တက့ၢ်.

3 ယွၤဧၢ,နမ့ၢ်ကွၢ်ဟုၣ်ပလီၤကမၣ်တၢ်ဒီး,ကစၢ်ဧၢ,မ့ၢ်မတၤကဆၢထၢၣ်တဂၤလဲၣ်.

4 ဘၣ်ဆၣ်ဒီး,နမၤပူၤမၤဖျဲးတၢ်ဒ်သိးပှၤကပျံၤနၤလီၤ.

5 ယကွၢ်လၢ်ယွၤအကျဲ,ယသးကွၢ်လၢ်ယွၤအကျဲလီၤ.ဒီးယမုၢ်လၢ်တၢ်လၢအကလုၢ်အကထါန့ၣ်လီၤ.

6 ယသးကွၢ်လၢ်ယွၤအကျဲအါန့ၢ်ဒိၣ်န့ၢ်ပှၤဆိးသီတၢ်ကွၢ်လၢ်မုၢ်ဆ့ၣ်အကျဲန့ၣ်တက့ၢ်,ယစံး,အါန့ၢ်ပှၤဆိးသီတၢ်ကွၢ်လၢ်မုၢ်ဆ့ၣ်အကျဲန့ၣ်တက့ၢ်လီၤ.

7 မ်ပှၤအံၣ်စရ့လးဖိမုၢ်လၢ်တၢ်လၢယွၤတက့ၢ်.အဂ့ၢ်ဒ်အံၤ,တၢ်ဘျုးတၢ်ဖှိၣ်,ဒီးတၢ်အုၣ်တၢ်ခီၣ်အလၢအပှဲၤအိၣ်ဒီးအီၤလီၤ.

8 ဒီးကပှ့ၤက့ၤအံၣ်စရ့လးလၢအတၢ်အၢခဲလၢာ်အပူၤလီၤ.