Psalms 136
1 စံးထီၣ်ပတြၢၤယွၤတက့ၢ်.အဂ့ၢ်ဒ်အံၤ,ဂ့ၤဝဲလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
2 စံးထီၣ်ပတြၢၤယွၤတဖၣ်အယွၤတဂၤတက့ၢ်.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
3 စံးထီၣ်ပတြၢၤကစၢ်တဖၣ်အကစၢ်တဂၤတက့ၢ်.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
4 လၢအမၤတၢ်လီၤလိၢ်လီၤလးဖးဒိၣ်ကစၢ်တဂၤဃီလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
5 တ့လီၤမူခိၣ်လၢတၢ်ကူၣ်သ့ကူၣ်ဘၣ်လီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
6 ဒါလီၤဟီၣ်ခိၣ်လၢထံးဖံးခိၣ်လီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
7 တ့လီၤတၢ်ကပီၤဖးဒိၣ်တဖၣ်လီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
8 မုၢ်တဖျၢၣ်ဒ်သိးအကပၢမုၢ်နံၤလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
9 လါတဖျၢၣ်ဒီးဆၣ်သ့ၣ်တဖၣ်ဒ်သိးအကပၢမုၢ်နၤလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
10 ကျီသံကွံာ်ပှၤအဲၤကူပတူးဖိအဝဲၢ်ကိလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
11 ဒီးဒုးဟးထီၣ်ကွံာ်အံၣ်စရ့လးလၢအကျါလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
12 အိၣ်ဒီးအစုဆူၣ်ဒီးအစုဒုၣ်လၢအယူာ်ထီၣ်အသးလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
13 မၤသ့ၣ်ဖးပီၣ်လဲၣ်ဆှဲခံခီလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
14 ဒီးဒုးခီဂာ်အံၣ်စရ့လးလၢအသးကံၢ်ပူၤလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
15 ဒီးတြုၤကွံာ်ဖၤရိၤ,ဒီးအတၢ်သုးမုၢ်ဆူပီၣ်လဲၣ်ဆှဲအပူၤလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
16 ဆှၢဝဲအပှၤဂီၢ်မုၢ်လၢပှၢ်မုၢ်ကနၢအပူၤလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
17 ကျီသံကွံာ်စီၤပၤဖးဒိၣ်တဖၣ်လီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
18 ဒီးမၤသံကွံာ်စီၤပၤလၢအမံၤဟူထီသါလီၤလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
19 ပှၤအမိၢ်ဖိအစီၤပၤစံဃိၣ်လီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
20 ဒီးဘၤၡၣ်အစီၤပၤဧိာ်လီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
21 ဒီးဟ့ၣ်လီၤအထံအကီၢ်လၢတၢ်န့ၢ်သါလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
22 တၢ်န့ၢ်သါလၢအခ့အပှၤ,အံၣ်စရ့လးအဂီၢ်လီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
23 သ့ၣ်နီၣ်ထီၣ်က့ၤပှၤလၢပဘၣ်တၢ်နးတၢ်ဖှီၣ်အဖၢမုၢ်န့ၣ်လီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
24 ဒီးမၤပူၤမၤဖျဲးပှၤလၢပဒုၣ်ပဒါလီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
25 ဟ့ၣ်လီၤတၢ်အီၣ်တၢ်အီလၢကယဲၢ်တၢ်အသးခဲလၢာ်လီၤ.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.
26 စံးထီၣ်ပတြၢၤယွၤအိၣ်ဝဲလၢမူခိၣ်တက့ၢ်.အဂ့ၢ်ဒ်အံၤ,အဘျုးအဖှိၣ်အိၣ်ဝဲလီၤစိၤလီၤထီလီၤ.