Library · ksw

Psalms 41

0 စီၤဒၤဝံးအထါလၢတၢ်အခိၣ်အဂီၢ်.

1 ပှၤလၢအမၤပှၤဖှီၣ်ဖိယာ်ဖိဒီးတၢ်ကူၣ်သ့န့ၣ်ဘၣ်ဆိၣ်ဂ့ၤဝဲလီၤ.လၢတၢ်အၢတၢ်သီအမုၢ်နံၤန့ၣ်ယွၤကမၤပူၤမၤဖျဲးအီၤလီၤ.

2 ယွၤကအံးထီၣ်ကွၢ်လီၤအီၤ,ဒီးဒုးမူဒံးအီၤလီၤ.ကဘၣ်တၢ်ဆိၣ်ဂ့ၤအီၤလၢထံဧိၤကီၢ်ဧိၤအပူၤ,ဒီးမ်နသုတဟ့ၣ်လီၤကွံာ်အီၤဖဲအဒုၣ်အဒါအသးန့ၣ်တဂ့ၤ.

3 ယွၤကမၤစၢၤအီၤလၢတၢ်ဆူးတၢ်ဆါအလီၢ်မံပူၤလီၤ.နကတဲာ်ကတီၤအလီၢ်မံလၢအဘၣ်တၢ်ဆါအဖၢမုၢ်လီၤ.

4 ယစံး,ယွၤဧၢ,သူၣ်ကညီၤသးကညီၤယၤ,ဒီးမၤဘျါက့ၤယသးတက့ၢ်.အဂ့ၢ်ဒ်အံၤ,ယမၤကမၣ်ဘၣ်လံနၤလံ.

5 ယဒုၣ်ယဒါန့ၣ်ကတိၤတၢ်အၢလၢယဂ့ၢ်ယကျိၤ,ကသံ,ဒီးအမံၤကဟါမၢ်ကွံာ်အကတီၢ်ဖဲလဲၣ်န့ၣ်လီၤ.

6 ဒီးမ့ၢ်ဟဲအိၣ်သကိးတၢ်ဒီး,ကတိၤလီတၢ်လၢအသးကံၢ်ပူၤလီၤ.ပာ်ဖှိၣ်တၢ်အၢလၢအဂီၢ်ဒၣ်ဝဲ,ဟးထီၣ်ဝဲဆူခိ,ဒီးကတိၤတၢ်လီၤ.

7 ကယဲၢ်ပှၤလၢအသးဟ့ယၤခဲလၢာ်န့ၣ်ကတိၤလိာ်အသးကသွံဒံထီဒါယၤလီၤ.ကူၣ်ထီၣ်တၢ်အၢလၢယဂီၢ်လီၤ.

8 စံးဝဲ,တၢ်အအၢစဲဘူးဒီးအီၤ,ဒီးလၢအမံလီၤန့ၣ်တဂဲၤဆၢထၢၣ်လၢၤဘၣ်.

9 ယသိၣ်,လၢယသန့ၤယသးလၢအီၤ,လၢအအီၣ်ယကိၣ်စ့ၢ်ကီးတဂၤန့ၣ်ထူယၤလၢအခီၣ်နၢၣ်ခံလီၤ.

10 ဘၣ်ဆၣ်ဒီးနဲဒၣ်ယွၤဧၢ,သူၣ်ကညီၤသးကညီၤယၤ,ဝံၣ်ဆၢထၢၣ်ယၤလၢယကဟ့ၣ်ကၣ်အီၤအဂ့ၢ်န့ၣ်တက့ၢ်.

11 လၢတၢ်အံၤယသ့ၣ်ညါလၢနသးအိၣ်ယၤလီၤ.အဂ့ၢ်ဒ်အံၤ,ယဒုၣ်ယဒါတသူၣ်ဖှံသးညီဘၣ်လၢယဖီခိၣ်ဘၣ်.

12 ဒီးတၢ်လၢယၤအံၤနဒုးအိၣ်ဂၢၢ်ဆိးကျၢၤယၤလၢယတၢ်လၢတၢ်ပှဲၤအပူၤ,ဒီးနပာ်လီၤယၤလၢနမဲာ်ညါလီၤထူလီၤယိာ်လီၤ.

13 မ်ယွၤအံၣ်စရ့လးအကစၢ်,ဘၣ်တၢ်စံးထီၣ်ပတြၢၤအီၤအစိၤစိၤအဃၣ်ဃၣ်တက့ၢ်.အၤမ့ၣ်,ဒီးအၤမ့ၣ်.