Library · ksw

Psalms 67

0 ထါ,တၢ်သးဝံၣ်လၢတၢ်အခိၣ်အဂီၢ်လၢနီၣ်ဒ့တၢ်.

1 ဒ်သိးပှၤဟီၣ်ခိၣ်ဖိကသ့ၣ်ညါနကျဲနကပူၤ,ဒ်သိးပှၤကညီကိးအကလုာ်ဒဲးကသ့ၣ်ညါနတၢ်အုၣ်က့ၤခီၣ်က့ၤဒီး,မ်ယွၤသးကညီၤပှၤဒီးဆိၣ်ဂ့ၤပှၤတက့ၢ်,

2 မ်အဒုးကပီၤထီၣ်ဘၣ်ပှၤလၢအမဲာ်တက့ၢ်.

3 ယွၤဧၢ,မ်ပှၤဂီၢ်မုၢ်စံးထီၣ်ပတြၢၤနၤတက့ၢ်.မ်ပှၤခဲလၢာ်စံးထီၣ်ပတြၢၤနၤတက့ၢ်.

4 မ်ပှၤဂီၢ်မုၢ်သူၣ်ခုသးခု,ဒီးသးဝံၣ်တၢ်လၢတၢ်သူၣ်ဖှံသးညီတက့ၢ်.အဂ့ၢ်ဒ်အံၤ,နဲဒၣ်အံၤနကစံၣ်ညီၣ်တီပှၤဂီၢ်မုၢ်,ဒီးနသးကအိၣ်ပှၤဂီၢ်မုၢ်လၢဟီၣ်ခိၣ်ချၢလီၤ. စ့လၤ.

5 ယွၤဧၢ,မ်ပှၤဂီၢ်မုၢ်စံးထီၣ်ပတြၢၤနၤတက့ၢ်.မ်ပှၤခဲလၢာ်စံးထီၣ်ပတြၢၤနၤတက့ၢ်.

6 ဟီၣ်ခိၣ်ဟ့ၣ်ထီၣ်လံအတၢ်အါထီၣ်,ဒီးယွၤပကစၢ်ကဆိၣ်ဂ့ၤပှၤလီၤ.

7 ယွၤကဆိၣ်ဂ့ၤပှၤ,ဒီးပှၤဟီၣ်ခိၣ်ဖိကပျံၤယွၤပၢၢ်လၢဟီၣ်ခိၣ်အကတၢၢ်တဖၣ်န့ၣ်လီၤ.