Psalms 75
0 စီၤအၤစာ်အတၢ်သးဝံၣ်,ထါလၢတၢ်အခိၣ်အဂီၢ်,လၢမၤဟးဂီၤတဂ့ၤန့ၣ်.
1 ပစံးထီၣ်ပတြၢၤနၤ,ယွၤဧၢ,ပစံးထီၣ်ပတြၢၤတၢ်လီၤ.အဂ့ၢ်ဒ်အံၤ,လၢနမံၤအိၣ်ဘူးန့ၣ်,နတၢ်မၤလီၤလးတဖၣ်န့ၣ်ဒုးနဲၣ်ဝဲလီၤ.
2 အဂ့ၢ်ဒ်အံၤ,ယကသ့ၣ်ဆၢဖးကတီၢ်လၢယကစံၣ်ညီၣ်တၢ်တီတၢ်လိၤလီၤ.
3 ဟီၣ်ခိၣ်ဒီးကယဲၢ်ပှၤအိၣ်ဝဲဆိးဝဲလၢအချၢန့ၣ်ပှံၢ်ကွံာ်ဝဲလီၤ.ယဒုးအိၣ်ကျၢၤအထူၣ်တဖၣ်န့ၣ်လီၤ.
4 ယစံးဘၣ်ပှၤပာ်ကဖိအသးန့ၣ်ပာ်ကဖိသုသးတဂ့ၤ,ဒီးပှၤတတီတလိၤန့ၣ်ပာ်ထီၣ်ထီသုနၢၤတဂ့ၤ.
5 ပာ်ထီၣ်ထီသုနၢၤလၢအလီၢ်ထီၣ်ထီတဂ့ၤ,ကတိၤတၢ်ဒီးသုကိာ်ဆူၣ်တဂ့ၤ.
6 အဂ့ၢ်ဒ်အံၤ,လၢမုၢ်ထီၣ်မ့ၢ်ဂ့ၤ,လၢမုၢ်နုာ်မ့ၢ်ဂ့ၤ,လၢကလံၤထံးမ့ၢ်ဂ့ၤ,တၢ်ပာ်ထီၣ်ထီတဟဲဘၣ်ဝဲဘၣ်.
7 အဂ့ၢ်ဒ်အံၤ,ယွၤမ့ၢ်ပှၤစံၣ်ညီၣ်တၢ်လီၤ.ဆီၣ်လီၤအဝဲတဂၤ,ဒီးပာ်ထီၣ်ထီအဝဲတဂၤလီၤ.
8 အဂ့ၢ်ဒ်အံၤ,လၢယွၤအစုပူၤန့ၣ်လီခီအိၣ်ဝဲ,ဒီးအစပံးထံန့ၣ်ဂီၤဝဲလီၤ.ပှဲၤဝဲဒီးတၢ်ဃါဃုာ်အသး,ဒီးလူလီၤတၢ်လၢအဝဲန့ၣ်လီၤ.ဒီးအသံးအကာ်န့ၣ်ဟီၣ်ခိၣ်အပှၤတတီတလိၤခဲလၢာ်ကစံၢ်အီဝဲလီၤ.
9 မ့မ့ၢ်ယဲဒၣ်အံၤ,ယကဒုးနဲၣ်တၢ်လီၤထူလီၤယိာ်လီၤ.ယကသးဝံၣ်ထီၣ်စီၤယၤကိာ်အကစၢ်လီၤ.
10 ဒီးယကဒီၣ်တဲာ်ကွံာ်ပှၤတတီတလိၤအနၢၤခဲလၢာ်လီၤ.မ့မ့ၢ်ပှၤတီပှၤလိၤအနၢၤတဖၣ်ကဘၣ်တၢ်ပာ်ထီၣ်ထီအီၤလီၤ.