Psalms 87
0 စီၤကိးရးအဖိခွါအထါ,တၢ်သးဝံၣ်.
1 အခီၣ်ထံးန့ၣ်အိၣ်ဝဲလၢကစၢၢ်စီဆှံတဖၣ်အလိၤလီၤ.
2 ယွၤအဲၣ်စံယိၣ်အပဲတရီတဖၣ်ဒိၣ်န့ၢ်ယၤကိာ်အိၣ်ဝဲဆိးဝဲအလီၢ်ခဲလၢာ်တက့ၢ်လီၤ.
3 တၢ်လၢပှၤကတိၤလၢနဂ့ၢ်နကျိၤန့ၣ်အိၣ်ဝဲဒီးအလၤကပီၤ,ယွၤအဝ့ၢ်ဧၢ. စ့လၤ.
4 ယကပှ့ၤဘၣ်ရၤဃးဒီးဘၤဘူၤလိၣ်လၢပှၤလၢအသ့ၣ်ညါယၤတဖၣ်အကျါလီၤ.ကွၢ်ကွၢ်,ဖလ့ၡသး,ဒီးစိၢ်,ဒီးကူၤၡးန့ၣ်,အဝဲတဂၤအံၤအိၣ်ဖျဲၣ်ဖဲန့ၣ်လီၤ.
5 ဒီးပှၤကစံးလၢစံယိၣ်အဂ့ၢ်အကျိၤန့ၣ်,အဝဲတဂၤအံၤဒီးအဝဲတဂၤန့ၣ်အိၣ်ဖျဲၣ်လၢအပူၤလီၤ.ဒီးတၢ်ထီကတၢၢ်အကစၢ်ဒၣ်ဝဲကဒုးအိၣ်ဂၢၢ်ဆိးကျၢၤအီၤလီၤ.
6 တုၤယွၤကွဲးပှၤဂီၢ်မုၢ်အမံၤဒီး,ယွၤကဂံၢ်ဝဲ,အဝဲတဂၤအံၤအိၣ်ဖျဲၣ်ဖဲန့ၣ်လီၤ. စ့လၤ.
7 ဒီးပှၤသးဝံၣ်တၢ်ဖိ,ဒီးပှၤအူတၢ်ပှီၢ်တၢ်ဖိစံးဝဲ,ယထံထီၣ်ပၢၢ်အလီၢ်အိၣ်ဝဲလၢနပူၤခဲလၢာ်လီၤ.