Psalms 8
0 စီၤဒၤဝံးအထါလၢတၢ်အခိၣ်အဂီၢ်,လၢကၤသးအတနၢ်.
1 ယွၤ,ပကစၢ်ဧၢ,နမံၤလၢဟီၣ်ခိၣ်ဒီဘ့ၣ်ညါန့ၣ်ဂ့ၤဆံးဒိၣ်လဲၣ်.နပာ်နလၤကပီၤလၢမူခိၣ်အလိၤလီၤ.
2 နပာ်တၢ်အစိအကမီၤလၢဖိဆံး,ဒီးဖိသၣ်အီၣ်နုၢ်ထံတဖၣ်အထးခိၣ်,လၢနဒုၣ်နဒါတဖၣ်အဃိ,ဒ်သိးနကဒုးအိၣ်ဃိကလာ်တၢ်အဒုၣ်အဒါ,ဒီးပှၤမၤဆၢတၢ်အၢတဖၣ်လီၤ.
3 တုၤယကွၢ်နမူခိၣ်နစုမုၢ်စုနၢအတၢ်မၤ,လါဒီးဆၣ်ဧိၤဖီဧိၤလၢနပာ်လီၤဒီး,
4 ပှၤကညီလၢနကသ့ၣ်နီၣ်ထီၣ်က့ၤအီၤ,ဒီးပှၤကညီဖိလၢနကအိၣ်သကိးအီၤန့ၣ်,မ့ၢ်မနုၤလဲၣ်.
5 နပာ်လီၤအီၤဘူးဒီးအကဒ်သိးဒီးကလူးတဖၣ်န့ၣ်,ဒီးဒုးကုာ်အခိၣ်သလုးလၢတၢ်ကဟုကညီၢ်,ဒီးတၢ်လၤကပီၤလီၤ.
6 နဒုးပၢအီၤလၢနစုအတၢ်မၤ,နပာ်လီၤတၢ်ခဲလၢာ်လၢအခီၣ်ဖီလာ်,
7 သိမဲာ်တဲးလဲး,ဒီးဂီၤဘုၣ်ဂီၤဖံးခဲလၢာ်,မ့ၢ်လံ,ဆၣ်ဖိကီၢ်ဖိလၢပှၢ်လၢ်ကျါ,
8 ထိၣ်ဧိၤလံၣ်ဧိၤလၢမူကပိာ်လိၤ,ဒီးဒ့ၣ်ဧိၤညၣ်ဧိၤလၢပီၣ်လဲၣ်ပူၤ,ဖဲဒၣ်တၢ်လၢအလဲၤတၢ်လၢပီၣ်လဲၣ်အကျဲတဖၣ်န့ၣ်လီၤ.
9 ယွၤ,ပကစၢ်ဧၢ,နမံၤလၢဟီၣ်ခိၣ်ဒီဘ့ၣ်ညါမ့ၢ်အဂ့ၤဆံးဒိၣ်လဲၣ်.