Library · ksw

Matthew 1

1 လံာ်ယ့ၣ်ရှူးခရံာ်အထူအထံး,စီၤဒၤဝံးအဖိခွါ,စီၤအၤဘြၤဟၣ်အဖိခွါတဖၣ်လီၤ.

2 စီၤအၤဘြၤဟၣ်ထီၣ်ဖိစီၤအံၤစဲး,ဒီးစီၤအံၤစဲးထီၣ်ဖိစီၤယၤကိာ်,ဒီးစီၤယၤကိာ်ထီၣ်ဖိစီၤယူဒၤဒီးအဒီပုၢ်ဝဲၢ်,

3 ဒီးစီၤယူဒၤထီၣ်ဖိစီၤဖ့ၤရ့းဒီးစီၤစ့ၤရ့းလၢနီၢ်တၤမၤလီၤ.ဒီးစီၤဖ့ၤရ့းထီၣ်ဖိစီၤဃ့ၤစရိၣ်,ဒီးစီၤဃ့ၤစရိၣ်ထီၣ်ဖိစီၤအ့ရ့ၣ်,

4 ဒီးစီၤအ့ရ့ၣ်ထီၣ်ဖိစီၤဧးမံၤနဒး,စီၤဧးမံၤနဒးထီၣ်ဖိစီၤနးရှိၣ်,ဒီးစီၤနးရှိၣ်ထီၣ်ဖိစီၤစၤလမိၣ်,

5 ဒီးစီၤစၤလမိၣ်ထီၣ်ဖိစီၤဘိၤဧးလၢနီၢ်ရၤဃးလီၤ.ဒီးစီၤဧိၤဘ့းထီၣ်ဖိစီၤဧိၤဘ့းလၢနီၢ်ရူၤသးလီၤ.ဒီးစီၤဧိၤဘ့းထီၣ်ဖိစီၤယံးရှဲ,

6 ဒီးစီၤယံးရှဲထီၣ်ဖိစီၤပၤဒၤဝံးလီၤ.ဒီးစီၤပၤဒၤဝံးထီၣ်ဖိစီၤရှလိၤမိၤလၢစီၤအူၤရံယၤအမါလီၤ.

7 ဒီးစီၤရှလိၤမိၤထီၣ်ဖိစီၤရဃၤဘၣ်,ဒီးစီၤရဃၤဘၣ်ထီၣ်ဖိစီၤအဘံယၤ,ဒီးစီၤအဘံယၤထီၣ်ဖိစီၤအၤစါ

8 ဒီးစီၤအၤစါထီၣ်ဖိစီၤယဟိၤရှၤဖး,ဒီးစီၤယဟိၤရှၤဖးထီၣ်ဖိစီၤယဟိၤရၣ်,ဒီးစီၤယဟိၤရၣ်ထီၣ်ဖိစီၤဧူးစံယၤ,

9 ဒီးစီၤဧူးစံယၤထီၣ်ဖိစီၤယိၤသၣ်,စီၤယိၤသၣ်ထီၣ်ဖိစီၤအၤဃးဒီးစီၤအၤဃးထီၣ်ဖိစီၤဃံးစကံယၤ.

10 ဒီးစီၤဃံးစကံယၤထီၣ်ဖိစီၤမနၤရှ့ၤ,ဒီးစီၤမနၤရှ့ၤထီၣ်ဖိစီၤအၤမိၣ်,ဒီးစီၤအၤမိၣ်ထီၣ်ဖိစီၤယိၤရှံယၤ,

11 ဒီးစီၤယိၤရှံယၤဖဲတၢ်စိာ်ကွံာ်ဆူဘၤဘူၤလိၣ်အခါန့ၣ်ထီၣ်ဖိစီၤယံးကၤနံယၤ,ဒီးအဒီပုၢ်ဝဲၢ်လီၤ.

12 ဒီးလၢတၢ်စိာ်ကွံာ်ဆူဘၤဘူလိၣ်အလီၢ်ခံန့ၣ်စီၤယံးကၤနံယၤထီၣ်ဖိစီၤၡၤလတံၤအ့လး,ဒီးစီၤရှၤလတံၤအ့လးထီၣ်ဖိစီၤစရူဘၤဘ့လး,

13 ဒီးစီၤစရူဘၤဘ့လးထီၣ်ဖိစီၤအဘံဟူာ်,ဒီးစီၤအဘံဟူာ်ထီၣ်ဖိစီၤအ့ၤလယါကံၣ်,ဒီးစီၤအ့ၤလယါကံၣ်ထီၣ်ဖိစီၤဧၤစၢ်,

14 ဒီးစီၤဧၤစၢ်ထီၣ်ဖိစီၤစၤဒိး,ဒီးစီၤစၤဒိးထီၣ်ဖိစီၤအါဃံၣ်,ဒီးစီၤအါဃံၣ်ထီၣ်ဖိစီၤအ့းလံအူာ်,

15 ဒီးစီၤအ့းလံအူာ်ထီၣ်ဖိစီၤအလၤဧစၢ်,ဒီးစီၤအလၤဧစၢ်ထီၣ်ဖိစီၤမးသၣ်,ဒီးစီၤမးသၣ်ထီၣ်ဖိစီၤယၤကိာ်,

16 ဒီးစီၤယၤကိာ်ထီၣ်ဖိစီၤယိၤသး,နီၢ်မၤရံအဝၤ,နီၢ်မၤရံလၢအဆံးစၢ်န့ၢ်ယ့ၣ်ရှူးလၢတၢ်ကိးဝဲလၢခရံာ်လီၤ.

17 မၤသးဒ်န့ၣ်ဒီးလၢစီၤအၤဘြၤဟၣ်တုၤလီၤလၢစီၤဒၤဝံးအစိၤခဲလၢာ်အိၣ်ဝဲတဆံလွံၢ်စိၤ,ဒီးလၢစီၤဒၤဝံးန့ၣ်တုၤလီၤလၢတၢ်စိာ်ကွံာ်ဆူဘၤဘူၤလိၣ်န့ၣ်အိၣ်ဝဲတဆံလွံၢ်စိၤ,ဒီးလၢတၢ်စိာ်ကွံံာ်ဆူဘၤဘူၤလိၣ်တုၤလီၤလၢခရံာ်န့ၣ်အိၣ်ဝဲတဆံလွံၢ်စိၤလီၤ.

18 တၢ်လၢယ့ၣ်ရှူးခရံာ်အိၣ်ဖျဲၣ်ဝဲန့ၣ်မၤသးဒ်အံၤ,အမိၢ်နီၢ်မၤရံဘၣ်အဲၣ်တီဒီးစီၤယိၤသး,ဒီးတချုးအိၣ်ဃုာ်ဒံးဘၣ်န့ၣ်တၢ်ထံၣ်န့ၢ်အီၤလၢအဟုးအသးအိၣ်ထီၣ်လၢသးစီဆှံလီၤ.

19 ဒီးအဝၤစီၤယိၤသးမ့ၢ်ပှၤအတီအလိၤ,ဒီးတၢ်တမိၣ်မၤဟးဂီၤအိၣ်ဖျါဘၣ်အသးလၢအလၤကပီၤသတးဒီး,အသးအိၣ်ဝဲလၢအကပာ်မၢ်အီၤကစုဒုလီၤ.

20 ဒီးတၢ်န့ၣ်တဖၣ်ကူၣ်ထီၣ်ဖးလီၤဝဲအဖၢမုၢ်ဒီး,ကွၢ်ကွၢ်,ကစၢ်အကလူးတဂၤလီၣ်ဖျါထီၣ်အသးလၢအီၤလၢတၢ်မံမီၢ်အပူၤ,ဒီးစံးဝဲဒၣ်,စီၤဒၤဝံးအဖိခွါစီၤယိၤသးဧၢ,နဟံးန့ၢ်နမါနီၢ်မၤရံန့ၣ်ပျံၤတၢ်တဂ့ၤ.အဂ့ၢ်ဒ်အံၤ,တၢ်လၢအဒၢထီၣ်ဝဲလၢအပူၤန့ၣ်အိၣ်ထီၣ်ဝဲလၢသးစီဆှံလီၤ.

21 ဒီးကဆံးစၢ်န့ၢ်အဖိခွါ,ဒီးနဘၣ်ယုၢ်အမံၤလၢယ့ၣ်ရှူးလီၤ.အဂ့ၢ်ဒ်အံၤ,အဝဲဒၣ်ကအုၣ်က့ၤခီၣ်က့ၤအပှၤဂီၢ်မုၢ်လၢအတၢ်ဒဲးဘးအပူၤလီၤ.

22 ဒီးတၢ်အံၤခဲလၢာ်မၤအသးဒ်သိးကစၢ်အကလုၢ်ကထါလၢဝံတဂၤန့ၣ်ကလၢထီၣ်ပှဲၤထီၣ်ဝဲလီၤ.

23 စံးဝဲဒၣ်,ကွၢ်ကွၢ်,ပမုၣ်ကနီၤတဂၤအဟုးအသးကအိၣ်ထီၣ်,ဒီးကဆံးစၢ်န့ၢ်အဖိခွါ,ဒီးတၢ်ကယုၢ်အမံၤလၢဧံးမၤနူၤအ့လးလီၤ.(အဝဲန့ၣ်အခီပညီမ့ၢ်ယွၤအိၣ်ဒီးပှၤလီၤ).

24 ဒီးစီၤယိၤသးဖုသံနီၣ်ထီၣ်လၢအတၢ်မံသပ့ၤ,ဒီးမၤဝဲဒ်ကစၢ်အကလုးမၤလိာ်အီၤအသိး,ဒီးဟံးန့ၢ်အမါ,

25 ဒီးတချုးဆံးစၢ်ဒံးဘၣ်အဖိဝဲၢ်ကိန့ၣ်ဒီး,တသ့ၣ်ညါဘၣ်အီၤဘၣ်.ဒီးယုၢ်ဝဲအမံၤလၢယ့ၣ်ရှူးလီၤ.