Library · ksw

James 4

1 တၢ်ဒုးလိာ်ယၤလိာ်,ဒီးတၢ်အ့ၣ်လိာ်ဆိးက့လိာ်န့ၣ်,အိၣ်ထီၣ်လၢသုကျါလၢလဲၣ်ခီလဲၣ်.လၢသုသးကွံတၢ်တဖၣ်လၢအဒုးတၢ်ယၤတၢ်လၢသုက့ၢ်သုဂီၤအကျါ,တမ့ၢ်ဘၣ်ဧါ,

2 သုသးကွံတၢ်ဒီးသုတန့ၢ်ဘၣ်တၢ်ဘၣ်,သုမၤသံပှၤကညီဒီးသုသးက့ၣ်တၢ်,ဒီးသုန့ၢ်ဘၣ်တၢ်တသ့ဘၣ်.သုဒုးတၢ်ယၤတၢ်,ဒီးအ့ၣ်လိာ်ဆိးက့လိာ်သုသး,ဒီးသုတန့ၢ်ဘၣ်တၢ်ဘၣ်.အဂ့ၢ်ဒ်အံၤ,သုတဃ့ဘၣ်တၢ်ဘၣ်.

3 သုဃ့တၢ်ဒီးတန့ၢ်ဘၣ်တၢ်ဘၣ်.အဂ့ၢ်ဒ်အံၤ,သုဃ့ကမၣ်တၢ်,ဒ်သိးသုကအီၣ်လၢာ်ဂီၤတၢ်လၢသုတၢ်မုာ်တၢ်လၤအပူၤလီၤ.

4 ပှၤအဲၣ်ဘၢမါအဲၣ်ဘၢဝၤသ့ၣ်ဧၢ,မ့ၢ်သုတသ့ၣ်ညါဘၣ်လၢတၢ်ရ့လိာ်ဒီးဟီၣ်ခိၣ်မ့ၢ်တၢ်ထီဒါယွၤန့ၣ်ဘၣ်ဧါ.မၤသးဒ်န့ၣ်ဒီး,ဖဲဒၣ်ပှၤလၢတၢ်မိၣ်ကဲဘၣ်အသးလၢဟီၣ်ခိၣ်အတံၤအသကိးန့ၣ်,ဒုးကဲထီၣ်အသးလၢယွၤအဒုၣ်အဒါလီၤ.

5 မ့ၢ်သုဆိကမိၣ်လံာ်စံးတၢ်ကလီကလီန့ၣ်ဧါ.သးအိၣ်ဝဲဆိးဝဲလၢပပူၤဆၢတၢ်သးကါန့ၣ်ဧါ.

6 မ့ၢ်အဟ့ၣ်လီၤတၢ်အဘျုးအဖှိၣ်အါတက့ၢ်သတးဒီးစံးဝဲဒၣ်,ယွၤထီဒါပှၤပာ်ထီၣ်ထီအသး,ဒီးဟ့ၣ်လီၤတၢ်ဘျုးတၢ်ဖှိၣ်လၢပှၤဆီၣ်လီၤအသးလီၤ.

7 မ်ဒ်န့ၣ်ဒီးပာ်သုသးလၢယွၤအဖီလာ်တက့ၢ်.ထီဒါမုၣ်ကီၤလံၢ်တက့ၢ်,ဒီးကဃ့ၢ်ထီၣ်ကွံာ်လၢသုအိၣ်လီၤ.

8 သုးဘူးသုသးဆူယွၤအအိၣ်တက့ၢ်,ဒီးကသုးဘူးအသးဆူသုအိၣ်လီၤ.ပှၤတၢ်ဒဲးဘးဖိသ့ၣ်ဧၢ,မၤကဆှီသုစုတက့ၢ်ဒီးပှၤသးခံဖျၢၣ်သ့ၣ်ဧၢ,မၤစီဆှံသုသးတက့ၢ်.

9 ဒုးဖှီၣ်လီၤသုသး,ဒီးသူၣ်ကၢ်သးလီၤ,ဒီးဟီၣ်ဒီးယၢၤတက့ၢ်.မၤလဲလိာ်သုနံၤသုအ့န့ၣ်လၢတၢ်သူၣ်အုးသးအုး,ဒီးသုတၢ်သူၣ်ခုသးခုန့ၣ်လဲလိာ်လၢတၢ်သူၣ်ဃၢသးဃၢတက့ၢ်.

10 ဆီၣ်လီၤသုသးလၢကစၢ်အမဲာ်ညါတက့ၢ်,ဒီးကပာ်ထီထီၣ်သုလီၤ.

11 ဒီပုၢ်ဝဲၢ်သ့ၣ်ဧၢ,သုတစံးအၢစံးသီလိာ်သုသးတဂ့ၤ.ပှၤလၢအစံးအၢအဒီပုၢ်ဝဲၢ်ဒီးစံၣ်ညီၣ်အဒီပုၢ်ဝဲၢ်န့ၣ်,စံးအၢတၢ်သိၣ်တၢ်သီဒီးစံၣ်ညီၣ်တၢ်သိၣ်တၢ်သီလီၤ.ဒီးနမ့ၢ်စံၣ်ညီၣ်တၢ်သိၣ်တၢ်သီဒီး,နမ့ၢ်ပှၤစံၣ်ညီၣ်တၢ်,ဒီးတမ့ၢ်ဘၣ်ပှၤစူၢ်တၢ်သိၣ်တၢ်သီဘၣ်.

12 ပှၤဟ့ၣ်တၢ်သိၣ်တၢ်သီဒီးစံၣ်ညီၣ်တၢ်န့ၣ်အိၣ်ဝဲတဂၤလီၤ.အဝဲဒၣ်န့ၣ်အုၣ်က့ၤခီၣ်က့ၤတၢ်သ့,ဒီးမၤဟးဂီၤတၢ်သ့လီၤ.ပှၤလၢအစံၣ်ညီၣ်ပှၤဂၤနဲဒၣ်အံၤ,နမ့ၢ်မတၤတဂၤလဲၣ်.

13 ခဲကနံၣ်အံၤဟဲဃီၤ,ပှၤလၢအစံးဝဲ,မဆါအံၤ,ဒီးခဲဂီၤ,ပကလဲၤဆူဝ့ၢ်ပူၤအံၤ,ဒီးအိၣ်ဖဲန့ၣ်တနံၣ်,ဒီးကၤတၢ်,ဒီးမၤအါထီၣ်ပတၢ်န့ၣ်သ့ၣ်သုဧၢ.

14 တၢ်ကမၤအသးခဲဂီၤတနံၤန့ၣ်,သုတသ့ၣ်ညါဘၣ်,အဂ့ၢ်ဒ်အံၤ,သုသးသမူန့ၣ်မ့ၢ်မနုၤတမံၤလဲၣ်.မ့ၢ်တၢ်ဘှ့ၣ်လၢအအိၣ်ဖျါတစိၢ်ဖိ,ဒီးလၢအလီၢ်ခံန့ၣ်ဒံကွံာ်ဝဲလီၤ.

15 လၢတၢ်န့ၣ်အလီၢ်,ဂ့ၤသုစံး,မ့ၢ်ဘၣ်ကစၢ်အသးဒီးပမ့ၢ်မူဒီး,ပကမၤတၢ်ဒ်အံၤဒ်နုၤလီၤ.

16 မ့မ့ၢ်ခဲကနံၣ်အံၤသုစံးထီၣ်ပတြၢၤလီၤသုသးလၢသုပာ်သုသးကဖၢလၢအဃိလီၤ.ကယဲၢ်တၢ်စံးထီၣ်ပတြၢၤဒ်န့ၣ်သိးန့ၣ်,မ့ၢ်တၢ်အၢတၢ်သီခဲလၢာ်လီၤ.

17 မၤသးဒ်န့ၣ်ဒီး,ပှၤလၢအသ့ၣ်ညါမၤတၢ်ဂ့ၤ,ဒီးတမၤဘၣ်ဝဲဘၣ်န့ၣ်,မ့ၢ်တၢ်ဒဲးဘးလၢအဂီၢ်လီၤ.