Joshua 15
1 အအံၤမ့ၢ်ပှၤယူဒၤဖိတဒူၣ်အဂီၢ်ဒ်အဟံၣ်တဖၣ်အသိးန့ၣ်,ပၢၢ်လၢအဒိၣ်အကီၢ်ဃၢၤ,ပှၢ်မုၢ်ကနၢစံၣ်လၢကလံၤထံးတခီန့ၣ်မ့ၢ်ကီၢ်လၢကလံၤထံးအဃၢၤကတၢၢ်,
2 ဒီးအကီၢ်ဃၢၤလၢကလံၤထံးန့ၣ်အိၣ်လၢပီၣ်လဲၣ်အံသၣ်အနၢၣ်ပူၤလၢအကွၢ်ဆူကလံၤထံး,
3 ဒီးလဲၤတၢ်ဆူကလံၤထံးဆူမၤလ့ၤကြၤဘံၣ်,ဒီးလဲၤဝဲဆူစံၣ်,ဒီးလဲၤထီၣ်လၢကလံၤထံးပၢၢ်လၢကၤဒ့ၣ်ဘၢ်န့,ဒီးလဲၤတၢ်ဆူဃ့စရိၣ်,ဒီးလဲၤထီၣ်ဆူအးဒၢ်,ဒီးလဲၤတရံးတၢ်ဆူကၢ်ကၤ,
4 လဲၤထီၣ်ဝဲဆူဧၤစမိၣ်,ဒီးဟးထီၣ်ဝဲဆူအဲၤကူပတူးအထံမိၢ်ပှၢ်,ဒီးအကီၢ်ဃၢၤဟးထီၣ်ကွံာ်ဝဲဖဲန့ၣ်ဖဲပီၣ်လဲၣ်နံၤလီၤ.အဝဲန့ၣ်မ့ၢ်သုကီၢ်ဃၢၤလၢကလံၤထံးတခီလီၤ.
5 ဒီးကီၢ်အဃၢၤလၢမုၢ်ထီၣ်တခီန့ၣ်မ့ၢ်ပီၣ်လဲၣ်အံသၣ်ပၢၢ်လၢယၢ်ဒ့ၣ်အကတၢၢ်,ဒီးကီၢ်အဃၢၤလၢကလံၤစိးတခီန့ၣ်မ့ၢ်လၢပီၣ်လဲၣ်အနၢၣ်ပူၤလၢယၢ်ဒ့ၣ်အကတၢၢ်လီၤ.
6 ဒီးကီၢ်အဃၢၤန့ၣ်လဲၤတၢ်လၢဘ့ၤသဃါကလၤဒီးလဲၤဝဲဆူဘ့ၤသဧါရဘၤလၢကလံၤစိးတခီ,ဒီးကီၢ်အဃၢၤန့ၣ်လဲၤထီၣ်ဆူစီၤရူၤဘ့ၣ်အဖိခွါစီၤဘိဟၣ်အလၢၢ်တဖျၢၣ်,
7 ဒီးကီၢ်အဃၢၤန့ၣ်လဲၤထီၣ်ဝဲဆူဒဘံၢ်လၢကစၢၢ်ကဆူးဧၤကိၢ်,ဒီးလၢကလံၤစိးတခီ,ကွၢ်ဝဲဆူကံးလကၤလးလၢအအိၣ်ဝဲလၢတၢ်လဲၤထီၣ်ဆူအဒူမံၣ်အမဲာ်ညါလၢအအိၣ်ဝဲလၢထံကျိလၢကလံၤထံးတခီ,ဒီးကီၢ်အဃၢၤန့ၣ်လဲၤဝဲဆူဧၣ်ရှ့မ့ၣ်အထံ,ဒီးဟးထီၣ်ဝဲန့ၣ်ဖဲဧ့ၣ်ရိၤက့လး,
8 ဒီးကီၢ်အဃၢၤန့ၣ်လဲၤထီၣ်ဆူစီၤဟံၣ်နိၣ်အဖိခွါအကစၢၢ်ကဆူးဆူယဘူၣ်လၢကလံၤထံးတခီ,အဝဲန့ၣ်မ့ၢ်ယရူၤၡလ့ၣ်လီၤ.ဒီးကီၢ်အဃၢၤန့ၣ်လဲၤထီၣ်ဘးကစၢၢ်ဒီခိၣ်လၢအအိၣ်လၢကစၢၢ်ကဆူးဟံၣ်နိၣ်အမဲာ်ညါလၢမုၢ်နုာ်တခီ,ပှၤနီၢ်ဒိၣ်ဖိအကစၢၢ်ကဆူးအကတၢၢ်လၢကလံၤစိးန့ၣ်လီၤ.
9 ဒီးတၢ်ထိၣ်ကီၢ်အဃၢၤ,လၢကစၢၢ်အဒီခိၣ်ပၢၢ်လၢထံန့ဖတိၤအထံထီၣ်ပၢၢ်,ဒီးလဲၤထီၣ်ဝဲဆူကစၢၢ်ဧ့ၤဖရိၣ်အဝ့ၢ်တဖၣ်,ဒီးတၢ်ထိၣ်ကီၢ်အဃၢၤန့ၣ်ဆူဘဧၤလၤလၢအမ့ၢ်ကံးရယးယဧၤရံၣ်,
10 ဒီးကီၢ်အဃၢၤန့ၣ်လဲၤတရံးတၢ်လၢဘဧၤလၤမုၢ်နုာ်တခီဆူကစၢၢ်စ့ဧၢ်,ဒီးလဲၤတၢ်ဆူကစၢၢ်ယဧၤရံၣ်အကပၤ(အဝဲန့ၣ်မ့ၢ်ကစ့လိၣ်)လၢကလံၤစိးတခီ,ဒီးလဲၤလီၤဆူဘ့ၤသရှ့မၣ်,ဒီးလဲၤတၢ်ဆူတံးမနၤ,
11 ဒီးကီၢ်အဃၢၤန့ၣ်ဟးထီၣ်ဆူဧ့ကြိၣ်အဃၢၤလၢကလံၤစိးတခီ,ဒီးတၢ်ထိၣ်ကီၢ်အဃၢၤန့ၣ်ဆူၡံကြိၣ်,ဒီးလဲၤဝဲဆူကစၢၢ်ဘဧၤလး,ဒီးဟးထီၣ်ဝဲဆူယးဘန့လး,ဒီးကီၢ်အဃၢၤဟးထီၣ်ကွံာ်ဝဲန့ၣ်ဖဲပီၣ်လဲၣ်နံၤလီၤ.
12 ဒီးကီၢ်အဃၢၤလၢမုၢ်နုာ်တခီန့ၣ်မ့ၢ်ပီၣ်လဲၣ်ဖးဒိၣ်,ဒီးအသရ့ၤန့ၣ်လီၤ.အဝဲန့ၣ်မ့ၢ်ပှၤယူဒၤဖိအကီၢ်ဃၢၤဝးတရံးဝဲ,ဒ်အဟံၣ်တဖၣ်အသိးန့ၣ်လီၤ.
13 ဒီးဟ့ၣ်လီၤစီၤယဖူန့ၤအဖိခွါစီၤကၤလ့းအဂီၢ်လၢပှၤယူဒၤဖိအကျါ,ဒ်ယွၤမၤလိာ်စီၤယိၤရှူအသိးန့ၣ်,စီၤဧနးအပၢ်စီၤအၢ်ဘၤအဝ့ၢ်လၢအမ့ၢ်ဃ့ဘြိၣ်လီၤ.
14 ဒီးစီၤကၤလ့းန့ၣ်ဟီထီၣ်ကွံာ်ဖဲန့ၣ်ပှၤဧနးအဖိခွါသၢဂၤ,စီၤရှ့ၡဲ,စီၤအဃံမ့ၣ်,ဒီးစီၤတးလမဲ,စီၤဧနးအဖိခွါတဖၣ်လီၤ.
15 ဒီးလဲၤဝဲဖဲန့ၣ်ဆူပှၤဒဘံၢ်ဖိအအိၣ်လီၤ.ဒီးလၢသီန့ၣ်ဒဘံၢ်အမံၤမ့ၢ်ကံးရယးစ့ဖ့ၢ်လီၤ.
16 ဒီးစီၤကၤလ့းစံးဝဲဒၣ်,ပှၤလၢအကျီကွံာ်ကံးရယးစ့ဖ့ၢ်ဒီးမၤန့ၢ်အီၤတဂၤန့ၣ်ယကဟ့ၣ်လီၤအီၤလၢယဖိမုၣ်နီၢ်ဧၤကစ့ၤလၢအမါလီၤ.
17 ဒီးစီၤကၤလ့းအဒီပုၢ်ဝဲၢ်စီၤကနးစးအဖိခွါစီၤဧီၤသန့လးတဂၤန့ၣ်မၤန့ၢ်ဝဲ,ဒီးဟ့ၣ်လီၤအီၤလၢအဖိမုၣ်နီၤဧၤကစ့ၤလၢအမါလီၤ.
18 ဒီးလၢပိာ်မုၣ်လဲၤတၢ်န့ၣ်တၢ်မၤအသးလၢအထိၣ်ဂဲၤအီၤဒ်သိးအကဃ့ဟီၣ်ခိၣ်တကဝီၤလၢအပၢ်လီၤ.ဒီးပိာ်မုၣ်န့ၣ်ယုၢ်လီၤလၢအကသ့ၣ်ယီၤအလိၤလီၤ.ဒီးစီၤကၤလ့းစံးဘၣ်အီၤ,ဘၣ်နသးလၢမနုၤတမံၤလဲၣ်,
19 ဒီးစံးဆၢအီၤ,နဟ့ၣ်လီၤယၤလၢကီၢ်လၢကလံၤထံးတခီလံ,ဟ့ၣ်လီၤလၢ်စ့ၢ်ကီးလၢထံထီၣ်ပၢၢ်တဖၣ်န့ၣ်တက့ၢ်.ဒီးအဝဲဒၣ်ဟ့ၣ်လီၤအီၤလၢထံထီၣ်ပၢၢ်လၢထးခီ,ဒီးထံထီၣ်ပၢၢ်လၢလာ်ခီန့ၣ်လီၤ.
20 အအံၤမ့ၢ်ပှၤယူဒၤဖိတဒူၣ်အတၢ်န့ၢ်သါဒ်အဟံၣ်တဖၣ်အသိးန့ၣ်လီၤ.
21 ဒီးပှၤယူဒၤဖိတဒူၣ်အဝ့ၢ်တဖၣ်လၢအယံၤကတၢၢ်ဆူကီၢ်အဒိၣ်အဃၢၤလၢကလံၤထံးတခီန့ၣ်မ့ၢ်ဘစ့လးဒီးဧ့စ့ၢ်,ဒီးယၤကူၢ်,
22 ဒီးကံနၤ,ဒီးဒံမိၤနၤ,ဒီးဧဒၤဒၤ,
23 ဒီးကၤဒ့ၣ်,ဒီးဃါစိၢ်,ဒီးယံသနၣ်,
24 စံဖး,ဒီးတ့လ့ၣ်,ဒီးဘဧၤလိး,
25 ဒီးဃါစိၢ်ဃဒးတၤ,ဒီးကရံယိး,ဒီးဃ့စရိၣ်(အဝဲန့ၣ်မ့ၢ်ဃါစိၢ်,)
26 အမၣ်,ဒီးၡမၤ,ဒီးမိၤလဒၤ,
27 ဒီးဃစၣ်ကးဒၤ,ဒီးဃ့ၡမိၣ်,ဒီးဘ့ၤသပၤလ့း,
28 ဒီးဃစၢ်ရှူဧလး,ဒီးဘ့ၢ်ၡဘၤ,ဒီးဘံစယိၤသၤ,
29 ဘဧၤလၤ,ဒီးဧံယံၣ်,ဒီးဧၤစ့ၣ်,
30 ဒီးအ့းလတိလး,ဒီးကသံလး,ဒီးဃိၢ်မါ,
31 ဒီးစံကလး,ဒီးမၤဒမးနၤ,ဒီးစၤနစးနၤ,
32 ဒီးလဘၤအိသး,ဒီးၡံလဃံၣ်,ဒီးဧ့ၣ်,ဒီးရံးမိၣ်လီၤ.ဝ့ၢ်ခဲလၢာ်န့ၣ်မ့ၢ်ခံဆံခွံဝ့ၢ်အိၣ်ဒီးအတဝီတဖၣ်လီၤ.
33 လၢကစၢၢ်ကဆူးန့ၣ်အ့ၤၡတိလး,ဒီးစိးရဧၤ,ဒီးအါၡနၤ,
34 ဒီးစါနိ,ဒီးဧ့ၣ်ကနၣ်,ဒီးတးပူၤ,ဒီးဧ့ၤနၣ်,
35 ယၢ်မူသး,ဒီးဧဒူးလၣ်,ဒီးစိကိၤ,ဒီးဧစ့ကၤ.
36 ဒီးၡၤရယံၣ်,ဒီးဧဒံသံၣ်,ဒီးကဒ့ရၤ,ဒီးကဒ့ရိၤသံၣ်လီၤ.ဝ့ၢ်တဆံလွံၢ်ဝ့ၢ်အိၣ်ဒီးအတဝီတဖၣ်လီၤ.
37 စနၣ်,ဒီးကဒါၡၤ,ဒီးမံးကဒးလကး,
38 ဒီးဒံလၣ်,ဒီးမံးဒစပၤ,ဒီးယိးကသ့လး,
39 လၤကံၣ်,ဒီးဘိးစကး,ဒီးဧ့းကလိၣ်,
40 ဒီးကးဘိၣ်,ဒီးလၤမၣ်,ဒီးကံသလံၣ်,
41 ဒီးကဒ့ရိၣ်,ဒီးဘ့ၤသဒၤကိၣ်,ဒီးနၤဧမၣ်,ဒီးမးက့ဒၤန့ၣ်လီၤ.ဝ့ၢ်တဆံဃုဝ့ၢ်အိၣ်ဒီးအတဝီတဖၣ်လီၤ.
42 လံးဘနၤ,ဒီးဧ့သ့ၢ်,ဒီးဧၤၡၣ်,
43 ဒီးယံးဖတၤ,ဒီးအါနၤ,ဒီးနစံာ်,
44 ဒီးကံလၤ,ဒီးအၤကစံာ်,ဒီးမရ့ၡၤလီၤ.ဝ့ၢ်ခွံဝ့ၢ်အိၣ်ဒီးအတဝီတဖၣ်လီၤ.
45 ဧ့ကြိၣ်,ဒီးအဝ့ၢ်တဖၣ်ဒီးအတဝီတဖၣ်လီၤ.
46 လၢဧ့ကြိၣ်ဒီးပီၣ်လဲၣ်န့ၣ်ကယဲၢ်ဝ့ၢ်လၢအအိၣ်ဘူးဒီးအၤစဒိာ်ဒီးအတဝီတဖၣ်,
47 အၤစဒိာ်,ဒီးအဝ့ၢ်တဖၣ်ဒီးအတဝီတဖၣ်,ဂါစၤ,ဒီးအဝ့ၢ်တဖၣ်ဒီးအတဝီတဖၣ်ပၢၢ်လၢအဲၤကူပတူးအထံမိၢ်ပှၢ်,ဒီးပီၣ်လဲၣ်ဖးဒိၣ်,ဒီးအသရ့ၤန့ၣ်လီၤ.
48 ဒီးလၢကစၢၢ်အလိၤ,ၡၤမံၢ်,ဒီးယးတံၢ်,ဒီးစိကိၤ,
49 ဒီးဒးနၤ,ဒီးကံးရယးစးနၤ,(အဝဲန့ၣ်မ့ၢ်ဒဘံၢ်),
50 ဒီးဧနာ်,ဒီးအ့ၡတမိး,ဒီးဧၤနံၣ်,
51 ဒီးကိၡၣ်,ဒီးဟိလိၣ်,ဒီးကံလိၤန့ၣ်လီၤ.ဝ့ၢ်တဆံတဝ့ၢ်အိၣ်ဒီးအတဝီတဖၣ်လီၤ.
52 အၤရာ်,ဒီးဒူမၤ,ဒီးအ့ၡၣ်,
53 ဒီးယၤနူၣ်,ဒီးဘ့ၤသတးပူၤ,ဒီးအဖ့ကၤ,
54 ဒီးဃူမတၤ,ဒီးကံးရယးအၢ်ဘၤ,(အဝဲန့ၣ်မ့ၢ်ဃ့ဘြိၣ်,)ဒီးစံဧိၢ်န့ၣ်လီၤ.ဝ့ၢ်ခွံဝ့ၢ်အိၣ်ဒီးအတဝီတဖၣ်လီၤ.
55 မၤဧိၣ်,ဒီးကၢ်မ့လး,ဒီးစံဖး,ဒီးယူးတၤ,
56 ဒီးယံးစကံလး,ဒီးယိးကဒၣ်,ဒီးစါနိၤ,
57 ကၤယံၣ်,ဒီးကံဘဧၤ,ဒီးတံးမနၤန့ၣ်လီၤ.ဝ့ၢ်တဆံအိၣ်ဒီးအတဝီတဖၣ်လီၤ.
58 ဃၤလဃူလး,ဘ့ၤသစူၢ်,ဒီးကဒိၣ်,
59 ဒီးမၤရး,ဒီးဘ့ၤသၤနိး,ဒီးအ့လတးကိၣ်န့ၣ်လီၤ.ဝ့ၢ်ဃုဝ့ၢ်အိၣ်ဒီးအတဝီတဖၣ်လီၤ.
60 ကံးရယးဘဧၤလး,(အဝဲန့ၣ်မ့ၢ်ကံးရယးယဧၤရံၣ်),ဒီးရးဘးန့ၣ်လီၤ.ဝ့ၢ်ခံဝ့ၢ်အိၣ်ဒီးအတဝီတဖၣ်လီၤ.
61 ဒီးလၢပှၢ်မုၢ်ကနၢန့ၣ်ဘ့ၤသဧါရဘၤ,မံးဒံၣ်,ဒီးစကၤကၤ,
62 ဒီးနံးဘၡၣ်,ဒီးဝ့ၢ်အံသၣ်,ဒီးဧ့ၣ်က့ဒံၤန့ၣ်လီၤ.ဝ့ၢ်ဃုဝ့ၢ်အိၣ်ဒီးအတဝီတဖၣ်လီၤ.
63 မ့မ့ၢ်ပှၤယဘူၣ်ဖိ,ပှၤယရူၤၡလ့ၣ်ဖိန့ၣ်,ပှၤယူဒၤဖိဟီထီၣ်ကွံာ်အီၤတသ့ဘၣ်လီၤ.ဒီးပှၤယဘူၣ်ဖိအိၣ်ဝဲဆိးဝဲဒီးပှၤယူဒၤဖိလၢယရူၤၡလ့ၣ်အပူၤတုၤမုၢ်မဆါတနံၤအံၤလီၤ.