腓利門書 1
1 為基督耶穌嘅緣故成為囚犯嘅保羅。同提摩太兄弟寫信俾你─我哋親愛嘅同工腓利門,
2 同喺你家中嘅教會,亦俾亞腓亞姊妹及同我哋一齊服役嘅亞基布。
3 願我哋嘅父上帝同主耶穌基督賜恩典、平安俾你哋。
4 腓利門兄弟!我每次禱告時都提到你,常時為你感謝我嘅上帝;
5 因為我聽到你對眾聖徒都有愛心,對主耶穌有信心。
6 我求上帝使我哋能透過喺同一信仰裏嘅團契,更深刻體會到同主連結而有嘅一切好處。
7 親愛嘅兄弟,你嘅愛心俾我極大嘅喜樂同鼓勵;眾聖徒亦因你而覺得愉快。
為阿尼西母求情8 既然我係你喺基督裏嘅兄弟,我本嚟可以大膽吩咐你做應該做嘅事;
9 但,愛心催逼我向你提出請求。我年老嘅保羅,現今又因佢嘅緣故成為囚犯,仍係願意噉樣做。
10 我對你嘅請求係為阿尼西母。佢係我喺基督裏嘅仔;我坐監時做咗佢靈性上嘅父親。
11 從前佢對你冇乜益,現今佢對你、對我都有益。
12 現今我送佢返去你處,等於送去我自己嘅心。
13 我本來想留佢喺我身邊,使佢喺我為福音坐監時替你伺候我;
14 不過,我希望一切都係出於甘心樂意,而唔係勉強。冇你嘅同意,我乜嘢都唔願意做。
15 阿尼西母暫時離開你,或者係要使你永遠得到佢。
16 現今,佢唔再係一個奴隸,係遠高過奴隸;因為佢已經係基督裏親愛嘅兄弟。對我嚟講,佢確係噉樣,何況對你!因為你哋既有主僕嘅關係,又係主內嘅兄弟!
17 所以,若你將我當作親密嘅朋友,你就接佢返去,好似接納我一樣。
18 若佢做咗對唔住你嘅事,或者虧欠咗你乜嘢,都記喺我嘅帳上好咯。
19 我親筆寫:我保羅負責償還。(當然,我唔需要提醒你,你欠我嘅係你自己嘅身靈!)
20 所以,兄弟,為主嘅緣故,等我向你求此情,等解除我精神上嘅負擔!我哋都係基督裏嘅兄弟。
21 我深信你會聽從我,我致寫此信。其實,我知,你所做嘅會超過我嘅要求。
22 同時,請替我預備一間房;我希望上帝會答應你哋眾人嘅禱告,等我返去你哋處。
最後嘅問安23 為基督耶穌同我一齊坐監嘅以巴弗問候你。
24 我嘅同工馬可、亞里達古、底馬、路加亦問候你!
25 願主耶穌基督賜恩典俾你哋眾人。