Library · yue

希伯來書 4

1 既然上帝應許我哋享受佢賜嘅安息,我哋就應該有畏懼嘅心,免致有人被上帝認為係失敗嘅,而不能享受佢嘅安息。

2 我哋已經同佢哋一樣聽見福音。佢哋聽見信息,並冇得到益,因為佢哋聽見時冇用信心去領受。

3 我哋相信嘅人可以享受上帝嘅安息,好似佢所講嘅:我喺忿怒中發誓:佢哋斷不能享受我賜嘅安息!雖然上帝從創世以來已經完成佢嘅工作,佢仍然講噉樣嘅話。

4 聖經有一處講到第七日,話:「喺第七日,上帝停止佢一切嘅工作。」

5 但係喺同一件事,所引嘅經文又話:「佢哋斷不能享受我所賜嘅安息。」

6 嗰啲先聽到福音嘅人不能享受到安息,因為佢哋唔信;但係另有人能享受佢嘅安息。

7 呢啲講明上帝點解另外定一日,叫做「今日」。佢喺好多年後透過大衛講話,聖經上已有記載:今日,若你哋聽見上帝嘅話,就唔好頑固。

8 若係約書亞已經帶領人民進入上帝應許嘅安息,上帝後來就唔會再提另外嘅一日。

9 噉就可知,重有另外嘅「安息日」,係為上帝子民嘅安息保留住。

10 因為,所有進入上帝應許嘅安息嘅人,係停止自己嘅工作,好似上帝停止佢嘅工作一樣。

11 所以,我哋應該努力進入嗰個安息;無論邊個都唔應該學嗰啲違背命令嘅人跌倒失敗。

12 上帝嘅話係活潑有效嘅。比雙刃嘅劍重鋒利,連靈同魂,關節同骨髓,都能刺入。佢能判斷人心中嘅慾望同思想。

13 冇一件事能向上帝隱瞞;一切被造嘅都係赤裸暴露喺佢眼前。哦哋都必要向佢交帳。

大祭司耶穌

14 我哋應該持守我哋宣認嘅信仰。因為我哋有一位偉大嘅大祭司,係上帝之子耶穌;佢已經去到上帝面前。

15 我哋嘅大祭司並唔係不能同情我哋嘅軟弱。佢曾好似我哋一樣喺各方面經歷過試探,只係佢冇犯罪。

16 所以,我哋應該大膽嚟到上帝恩典嘅寶座前,領受慈愛同恩典,做我哋隨時嘅幫助。