希伯來書 6
1 所以,我哋應該將基督道理初步嘅信息拋喺背後,向更成熟嘅信仰前進。我哋唔好只喺信仰嘅初步階段落功夫,淨係懊悔過去無意義嘅生活、成日空談信上帝、
2 各樣洗禮、按手禮、死人復生、永遠審判嘅教訓。
3 等我哋向住成熟嘅信仰前進!上帝若准許,呢啲就係我哋要做嘅。
4 至於嗰啲離棄正道嘅人,點能使佢哋重新悔改呢?佢哋曾經有上帝嘅光照,嘗過屬天恩賜嘅滋味,又得到聖靈。
5 佢哋已經體驗到上帝嘅話係佳美嘅,亦感受來世嘅能力,
6 竟然離棄正道;噉樣嘅人就不能使佢哋回頭,重新悔改;因為佢哋再一次將上帝之子釘喺十字架,公然羞辱佢。
7 田地經常吸收雨水,生長蔬菜,對耕種嘅人大有用處,呢啲係上帝所賜嘅福。
8 若田地生出嚟嘅係無用嘅荊棘同蒺藜,就有被咒詛嘅危險,並且要被火燒毀。
9 親愛嘅兄弟呀,即使噉樣話,我哋仍然相信你哋嘅景況唔錯,接近得救。
10 上帝公道嘅;佢唔會忘記你哋為佢做嘅工作同愛心,係由你哋繼續不停幫助其他聖徒表現出嚟嘅。
11 我哋最大嘅願望係:你哋每人由頭到尾都熱心,使你哋盼望嘅一切事都能實現。
12 唔好懶惰,要學習嗰啲信而有恆心嘅人,嚟領受上帝嘅應許。
上帝確切嘅應許13 上帝向亞伯拉罕立下應許時,佢曾發誓。因為冇比佢自己大嘅,佢就指住自己嘅名發誓。
14 佢話:「我必賜福俾你,使你多子多孫。」
15 亞伯拉罕耐心等待,終得到上帝應許嘅。
16 當人發誓時,佢指住比自己大嘅發誓;用誓言做擔保嚟結束人同人間一切嘅爭執。
17 上帝明白指示嗰啲要領受佢應許嘅人:佢永遠唔會改變自己嘅計劃,於是喺應許之外加上誓言。
18 呢兩件事係不能改變嘅,因為上帝唔會講大話。為噉,我哋喺佢裏面得到安全嘅人深受激勵,要持守放喺我哋前面嘅盼望。
19 我哋有此盼望,好似生命嘅錨,安全又可靠,通過天上聖殿嘅帳幔,直到裏面嘅聖所。
20 耶穌為咗我哋,已經先到嗰處,並照麥基洗德嘅體系永遠做大祭司。