Library · yue

約翰貳書 1

1 我係長老;我寫信俾你—蒙揀選嘅夫人,同你嘅仔女:你哋係我誠心所愛嘅。唔單只我愛你哋,所有認識真理嘅人亦愛你哋;

2 因為真理喺我哋心中,而且永遠與我哋同在。

3 願父上帝同父之子耶穌基督賜恩典,憐憫、平安俾我哋,使我哋始終生活喺真理同愛中。

真理同愛

4 我好高興,因為知道喺你嘅仔女中有遵守天父命令、生活喺真理中嘅人。

5 所以,親愛嘅夫人,我求你,我哋要彼此相愛。我向你提嘅並唔係一條新嘅命令,係我哋從起初領受嘅。

6 我所講嘅愛係:我哋必要遵守上帝嘅命令。你哋從起初所聽到嘅命令係:你哋要以愛為生活嘅中心。

7 好多騙子已經喺世界上到處活動,佢哋公開否認耶穌基督降世為人嘅事。噉嘅人係騙子,係敵基督者。

8 你哋要小心致唔會失去你哋所成就嘅,反而得到完全嘅賞賜。

9 若有人唔持守基督嘅教訓,反而越過嘅,係眼中冇上帝;嗰啲持守敎訓嘅,就有父亦有子。

10 若有人到你哋處,唔傳授此教訓,就唔好接待佢去你哋家中,亦唔好向佢問安;

11 因為向佢問安,等於喺壞事上成為佢嘅同伴。

最後嘅話

12 我重有好多話要講俾你哋知,但我唔想用筆墨嚟寫。我希望親自去探望你哋,同你哋當面傾談,等我哋嘅喜樂充足。

13 你嗰班蒙揀選嘅姊妹嘅仔女向你問安!