啟示錄 1
1 本書係記載耶穌基督嘅啟示。上帝俾佢呢啲啟示,叫佢將必快應驗嘅事指示上帝所有嘅僕人。基督打發天使向佢嘅僕人約翰顯示此事。
2 約翰為神嘅道同耶穌基督所啟示嘅真理作見證,將所有自己睇見嘅,都證明出嚟。
3 讀此書預言嘅人係有福!聽見此書預言又遵守其中記載嘅都係有福!因為應驗呢一切事嘅日子快要到。
向七教會問安4 我約翰寫信俾亞西亞省嘅七個教會:願嗰位昔在、今在、將來永在嘅上帝,同佢寶座前嘅七靈
5 又願嗰位忠誠嘅見證人、首先從死者中復生、做地上所有皇帝嘅統治者耶穌基督,賜恩典、平安俾你哋!耶穌愛我哋,為我哋犧牲流血,從罪裏釋放我哋
6 使我哋成為國民,做佢父上帝嘅祭司。願榮耀權能歸俾耶穌基督,直到永遠!阿們。
7 佢駕雲而來;每人都要睇見佢,連㓤佢嘅人亦要睇見。佢嚟時,地上萬民要為佢悲傷痛哭。此事必發生!阿們。
8 昔在、今在、將來永在嘅主—全能嘅上帝話:「我係阿拉法,意思係開始,我係俄梅咖,意思係終結!」
基督向約翰顯現9 我係約翰—你哋嘅兄弟。我喺耶穌裏同你哋分擔患難,一齊忍耐,亦要分享佢嘅國度。為傳揚上帝嘅道同耶穌所啟示嘅真理,我曾被監禁喺拔摩海島上。
10 喺主日,我被聖靈感動,聽見大聲,好似吹號嘅聲,喺我後面向我話:
11 「將你睇見嘅寫落,然後將此書卷寄俾以弗所、士每拿、別迦摩、推雅推喇、撒狄、非拉鐵非、老底嘉七個教會。」
12 我轉身要睇吓邊個向我講話,轉過嚟,就睇見七個金燈臺。
13 燈臺中有一位好以人子嘅,企喺處,着住長袍,直垂到腳,心口束住金帶。
14 佢嘅頭同頭髮都白到似雪,似羊毛一樣;佢對眼似火燄噉閃耀;
15 佢對腳似經過提楝又擦呤嘅銅一樣咁光;佢聲似大瀑布嘅聲。
16 佢右手揸住七粒星,口裏有兩刃嘅利劍。佢面似烈日發光。
17 我一睇見,就俯伏喺佢腳前,似死人一樣。佢用右手按住我,話:「唔使怕!我係開始,我係終結。
18 我係永存者!我曾死過,現今又活過嚟,直到永遠。我揸住死亡同陰間嘅鎖匙。
19 所以你要將睇見嘅,無論係現今抑或將來要發生嘅事,都寫出來。
20 你睇見,喺我右手嘅七星同七個金燈臺嘅奧祕係噉:七星係七個教會嘅使者;七燈臺就係七個教會。